:: ليه الجفا وانت الوحيد بدنيتي ::
ــالــسـلامـ عليكمـ وَ رحمة الله وَبركاااتة ..
من زود حبّك جيتـك بكـل ذاتـي
واشكي غيابك يابعد كـل مزيـون
خلّـك رحـوم بحالتي يأمنياتي
طال الغياب وضاق بعيوني الكون
ليه الجفا وانـت الوحيـد بحياتـي
مدري تغلي أو دلع منـك وفنـون
يازيـن ارحـم حالتـي ياغناتـي
يكفي تعذّب واحـدٍ فيـك مفتـون
حرمتني حتى الخشـوع بصلاتـي
واسهرتني يـوم الاوادم ينامـون
عقلي ثقيل وكـان أحلـى صفاتـي
وخليتني أمشي مع الناس مجنون
يالغالي لو فـي وصالـك وفاتـي
راضي ولا أقبل غير قربك وممنون
الموت عنـدك راحتـي وامنياتـي
ومعك الدقيقه تنشرى بالف مليون
ترفق بي ليـن اكتـب وصـاتـي
واطلب سماح اللي يبي منّي ديون
ومن بعدها لـو تحكم بمماتـي
عمري وكل اللي تبيه لـك يهـون ..
رآآقت لي ,, اتمنى ان تروق لكمـ وَ تنال اعجابكم .. 
التعديل الأخير تم بواسطة ṜŏΌ7ŷ ť7bЌ ♥ ; 08-09-2011 الساعة 09:28 AM.
|