أول أسبوع حيكون
Orientation Week
نفس الشي اللي اخدتوه بسنة رابع ..
ممكن يضيفوا شي جديد عشان الكودا والاعتماد
مع وجود الاختبار في نهاية الأسبوع
والحضور إلزالمي مثل ما يقولوا "^^
~
نُبذة عن المواد ~
على حسب نظامنا .. كان 10 مواد الترم الأول
و 12 مادة الترم الثاني !
حظنا إنهم زادوا الاثيكس و البراكتس مانجمنت و الامبلانت
لكن على سنتكم خلاص ما حتاخدوها تاني بما انكم اخدتوا اتنين منهم في رابع
ما حتكلم عن التفصيل في المواد .. وخاصة الجزء النظري
باذن الله على بداية السنة حنجيكم ونشرحلكم كل مادة بتفاصيلها
~
المواد السنوية اللي حتاخدوها طوال الترمين ..
Oral Medicine
طب الفم
عليها 3 ساعات + العيادة
مادة مهمة في سنة خامس.. كميتها كبيرة ومعلوماتها كثير
لكن ما تعتبر جديدة كليا علينا
فيها أمراض كثير اخدنا عنها في سنة ثالث في مادة الاورال باثولوجي
لكن هنا حتاخدوها بشكل اكلينيكي أكثر
مع تركيز على كيفية العلاج والأدوية و التحاليل وكيفية اكتشافه
لأنكم حتطبقوها في العيادات
أضافولنا هذه السنة active learning
بعد كل محاضرة.. وكثير منها استفدنا منها وكانت خطوة جميلة من القسم
وصار المنهج أفضل
وماشالله أغلب دفعتنا جابت درجات مره حلوة في المادة
مع انها على قولتهم من أصعب مواد سنة خامس
~
العيادة ..
حيطلبوا منكم الدكاترة تجيبوا حالة اورال مديسن من العيادات
غالبا من الأشياء اللي درسناها
تعملولها تشخيص كامل .. وبعدين تحاليل وبيوبسي وتحديد المرض
وعلاجه ومتابعة المريض
لازم تصوروا كل حالة extra oral & intra oral
وبكل التفاصيل
عشان حتعملوا بريزينتشن لحالتكم قدام الدكاترة
حيكون في اتنين
Primary presentation
&
Final presentation
البرايمري حيكون بدون درجات .. والدكاترة حيناقشوكم ويساعدوكم في الحالات
عشان تضبطوا للعرض النهائي
لازم الصور تكون واضحة وصور الأشعه وكل شي
انصحكم تشتروا كاميرا بروفيشنال وتتعلموا كيف تاخدوا صور للفم والأسنان بشكل واضح
وباستخدام intraoral mirror
~
الحالات انتوا وحظكم ايش ممكن تلاقوا
خلوا سنة رابعه يساعدوكم ويحولوكم الحالات اذا صادفوها في الاورال دياجنوزيز
ومن عند الـ ER والانتيرن
اضمنوا حالة من البداية واشتغلوا عليها "واستمتعوا"
لأنكم حتمسكوا الحالة من وإلى
من بداية التشخيص إلى العلاج والمتابعه
وممكن يكون مرض خطير المريض ما يكون عارف عنه وانتوا اكتشفتوه وعالجتوه
وبكده انقذتوا حياته !
حالة البيشنت حقتي كانت مره محمسة
وكانت متعبتها جدا.. والحمدلله قدرت أريحها منها ! اجمل شعور والحمدلله ^^
احتجنا نعملها عملية جراحية لازالة الورم
ولأول مره ادخل غرفة العمليات وصوّرت كل خطوات العملية
<< من أحلامي اني احضر عملية جراحية والحمدلله تحققت وانا في طب الأسنان !
لأني لما دخلت الأسنان قلت استحالة ادخل عملية لكن ربي كريم وعرفني قد ايش طب الأسنان
متشعب وفيه أشياء كثييييير جميله ^_^
~
Oral Surgery
جراحة الفم
عليها 4 ساعات + العيادات
مادة جديدة ناخدها لأول مرة.. كثيرين متحمسين لها
فيها حتتعلموا على أدوات الجراحة والخلع بالتفصيل وعن أنواع التخدير
في الترم الأول حيكون مقدمة .. ومركزين أكثر شي على كيفية الخلع
الحركات والتكنيكات المستخدمة وأنواع الغرز والخياطة
وراح تطبقوها عملي في العيادة
وعلى نهاية الترم الأول حتبدؤوا تخلعوا أسنان على مرضى حقيقين !
في الترم الثاني حتاخدوا أنواع الجراحات المختلفة
والمشاكل والمضاعفات إللي ممكن تحصل بعد الخلع والجراحة
مادة فيها كمية حفظ كثيرة.. ومهمة
~
العيادة ..
بداية الترم الأول حتروحوا العيادات والدكاترة حيعملولكم "ديمو" لكل الأدوات المستخدمة في الجراحة
وطريقة خياطة الغرز بأنواعها
ولازم تحفظوها كويس لأنكم حتستعملوها عملي
وعلى نهاية الترم الأول حتخلعوا أسنان حقيقية
ويبدأ الرعب :p
مطالبين بـ 10 أسنان تخلعوها خلال السنة
كل اثنين يكونوا مع بعض .. واحدة تخلع والثانية اسيستنت ليها وعليها ركوايرمنت اسيستنت
مهمة عشان تساعدوا بعض وتاخدوا خبرة من حالات بعض
بالبداية كان صعب ومتخوفين من الموضوع..
لكن الحمدلله انجزنا فيها ^_^
حاولوا إنكم انتوا اللي تخلعوا والدكاترة معاكم يساعدوكم ويوجهوكم بالكلام
لكن لا تخلوهم هم اللي يخلعوا عشان تتعلموا
إلا اذا كانت الحالة صعبه.. وقتها الدكتور هو اللي حيكمل
ولله الحمد خلعت 9 أسنان بنفسي والعاشرة كانت مره صعبه والدكتور خلعلي هيا
لكني فرحت بالانجاز الحمدلله
أسهل الحالات لما تكون المريضة تحتاج كليرينس عشان تعمل طقم أسنان كامل
لكن اذا حابين تتعملوا كويس.. دوروا عند الاورثو بورد
اذا عندهم مرضى يحتاجوا خلع البريمولارز عشان يعملوا الاورثو
تكون الأسنان بصحتها وماهي مخلخله.. وتحسوا انكم فعلا بتتعملوا التكنيك الصح
لأنها لو كانت مكسورة أو ريميننت رووت .. حيختلف تماما
اول حالة حقتي كانت بريمولار للاورثو..
من أجمل وأخوف التجارب اللي عشتها :p
~