رد: جبت اختبار step بعد ماوقعت على برنامج الايلتس بالجامعة وش الحل ؟!!
الله يجزاك خير شكرا لك يااختي على المساعدة والمعلومات كلامك صحيح 100%
اليوم رحت لجامعة عزوز قسم القبول بعمادة الدراسات العليا
ودخلت على مديرهم وشرحت له الموضوع وفي ثواني عدل درجتي القديمة بالدرجة الجديدة لاختبار step
وقالي لوجيت اثناء المطابقة بنخيرك اذا عندك اختبار جديد step بدرجة مستوفيه او تدخل برنامج ايلتس
لكن بما انك جيتنا الان نغيرها لك وماقصر معي هذي الي صار معي اليوم وحبيت اكتبه بموضوعي
عشان يستفيد الجميع وكلمة اخيرة حاب اقولها في الموضوع
الي حاب يختبرstep ومتردد اقوله توكل على الله واستعد للاختبار على الاقل 5 ايام من الاستعداد مو اكثر وبتجيب فوق 52
فيه فيديو باليوتيوب نفعني بعد الله سبحانه اسمه
خطة مذاكرة اختبار الستيب في ٧ ايام | جدول للتحميل
لشاب اسمه عبدالرحمن حجازي الله يجزاه خير ويوفقه
تحت المقطع فيه نماذج تشبه الاختبار الحقيقي وفيه كتاب يشرح القرامر
فقط يااخوان 5 ايام ذاكرو وبتجيبو 52 وفوق بس لحد يتردد اضغط نفسك 5 ايام ولاتصعب الامور او تقول
بذاكر شهر او شهرين !! كل شي موجود باليوتيوب افهمو فكرة الاختبار وركزو بالقرامر
الاختبار بسيط وسهل والاستماع مسهلينه جدا يعني ناقص الارادة منكم والاقدام وقبل كل شي الدعاء والتوكل على الله
والله يوفقنا جميع ويكتب مافيه خير
|