[داعية المستقبل]

السلام عليكم ورحمة الله وبركاته
كيفكم يامعشر الفيزيائيات ؟؟ اتمنى لكم افضل الاوقات!!

اهلا بك اختي الحبيبة زهرة الثلج ..
بالنسبة للكتورات :
د/ ريم الطويرقي افضل واروع وأجمل وأحب دكتورة في حياتي
انسانة غاية في الروعه في كل شيء .. وشرحها كلمة رائع قليلة في حقها .. وواجباتها صح طويلة بس والله متعه وانت تفكري فيها .. واختباراتها زي ماقالت ذاكرة لو حليتي الواجب راح يكون بالنسبة لك مررررررررررررررره سهل " وانصحك تحلي واجبك بنفسك عشان تستفيدي "

/ هالة الجوهري حبوبه وشرحها تمام .. واهم شيء عندها تحلي التمارين .. والتمارين مرره سهلة لان المادة اصلا سهله .. وفي اختباراتها سهله وتحب الاثباتات لازم تركزي عليها لانها دقيقة شوي في التصحيح .. يعني لازم تكتبي كل خطوة في الاثبات حتى لو كانت بسيطة ومعروفه .. والنهائي اسهل من شرب الماء ولله الحمد ..

د/ وفاء الخطيب طيوبة مررررررررررره وحبوبة وبالعكس شرحها مافيه شيء بس هي هايه شوي وصوتها وااااطي وبعدين أصلا مادتها تقريبا نفس 203 واعتقد د/ سنا كفت ووفت وما يحتاج فهمها مره ثانية لانها مررررررره سهله .. واختباراتها نفس السلايدات تبعها بالنص حتى المسأئل ما تغيرها .. وما عندها واجبات " وانا شخصيا اخذت فيها a+" .. يعني بالعربي لاتشيلي هم هذي الماده ابدا ..

د/ لبنى ما اقدر افيدك شخصيا .. لكن قالوا انها تمام وفاهمة في المسائل ونظرية اهم شيء فيها مسائلها .. والله اعلم

هذا اللي اقدر افيدك فيها .. وان شاء الله اكون وفقت للي تبغيه ..
موفقه بإذن الله حبيبتي ..