[صقر الشمال]

بسم الله الرحممن الرحيم

اكمل المدونات لاحقاً ان شاء الله وبقيه الاعضاء
طبعاً الله بروي لكم عن ----------------- قصه وقصيده
ممكن البعض سمع فيها لكن لايمنع من نقلها لكم 0000 والسموحه منكم لنها فيها مطبات عا قولتهم
بس من غير قصد الهدف منها هي القصه ذكريات - مابطول عليكم بالقصه
هذي قصة وقصيدة اليتمان ...
=========
هذولا اثنين يتمان . . كبروا . . ووصلا اعمارهم قرابة العشرين سنه . . واحد منهم . . هداه الله . . والتزم . . وربا لحيته . . وصار إمام مسجد . .
والثاني . . بالنقيض تماما . . سكسك اللحيه . . والربابه بيده . . ومن نفود لنفود . . وراعي قصيد ومهيجن . . وكذلك . . مهاوي بنت خاله . . ويحبه . . على نقاء . . وكان دايم يروح لخالته . . يعرض عليه المساعده . . كله عشان يتقرب للبنت ويشوفه . .

المهم . . جاء موسم الحج . . واخونا .. إمام المسجد . . نوى الحج . . وجاء لم اخوه راع الربابه . . وقال . . طلبتك ياخوي . . قال آمر تدلل . . قال انا نويت الحج . . هالسنه . . وابيك تمسك المسجد عن ...!!!!

قال ياخوي . . انا ماني فيد صلاة . . ولا عرف . . انا رجال راعي قصيد . . وربابه . . ومهيجن . .

الوكاد الرجال . . الح عليه . . الح عليه . . ووافق اخونا راع الربابه . .


جت صلاة الفجر . . يوم صلا الامام . . وانتهت الصلاة . . قال للجماعه . . ياجماعة الخير . . انا نويت امشي اليوم مع الجماعه . . وترى اخوي فلان . . ويأشر عليه بآخر الصف . . يبي يمسك الامامه لين ارجع بالسلامه . . قالوا الجماعه الله يستر عليك . . ويطرح بأخوك البركه . . وهم خابرينه راعي قصيد . . ومطنوخ الرجال . . لكن قالوا مابه فايده . .


بدأ الرجال يصلي بالجماعه . . واموره زينه . . بس اللهم . . انه لا جاء يحدث بالجماعه . . بعد صلاة العصر . . يشيل الحديث شيله . . لكن ماشيء . . اموره سالكه الرجال .

بعد ثلاثة أيام . . بنت خالته فقدته . . بدى مايمر عليهم . . على عادته . . وجت حول البيت تنشد عنه . . وقالوا لها الجيران . . ان اخوه راح مع الحاجه . . وهو مسك مكانه في المسجد . . قالت البنت . . مو معقول . . ماني مصدقه . . هذا ماهو راعي صلاة . . قالوا جاك العلم . . قالت انا ماني مصدقه لما اشوف بعيني . . قالوا لها . . لاجت صلاة العصر . . روحي وشوفي . . جت العصر .. وهي لابسه هكالثوب . . وروايح حلوه . .

اذن العصر . . وجو الجماعه على العادة . . وجت البنت ومعه ثلاث اربع حريم . . وصارن على يسار الصفوف . . تقدم رفيقنا راع الربابه . . وقال للمطوع (( اقم )) . . اقام المطوع . . التفت على يمناه الامام . . وقال (( استوو )) . . والتفت على يسراه يبي يقول (( اعتدلوا )) . . يوم التفت ويلاه يراعي بنت خاله وهي تشيل اللثام عن وجه . . وهو يقول :-


//


//






تعدلوا يأهل القلوب المواليف && صفوا ورى القراي خمسة اصفوفي



احلف بربً يعلم السر والغيب && انك مناي ورغبتي و اشتياقي




حياك رب(ن) حيزم الغرس بالليف && مرجع بصر يعقوب عقب الكفوفي






إنك هواي بلابسات المشانيف && والكاذب الله يجهله ما يشوفي








//



//



الله واكبر .........!!!!!!!



وهو يكبر بالجماعه . . ويصلي بهم . . يوم خلص والتفت . . واثره فشل من الجماعه . . قال ولد عمه وهو ملكع ...يازين صلاتك لك ثالث يوم . . إلا هالحديث اللي قلته بين الاقامه . . وتكبيره الاحرام . . وش هو . . !!! قال هذا يافلان . . (( حديث ضعيف جداجداجدا )) . . ومانيب قايله غير ماقلته . .


وســلامتكم ...