[! سلطـــان !]

اقسم بالله ودي اضحك

وبعدين مع هذي المهزلة ؟؟؟

ع فكرة المشكله بالطلاب مو بالجامعه لو كلنا وقفنا وقلنا لا كان شفنا نظام تعليم عن بعد يقدم خدمة راقية لطلابه

ادخلوا ع موقع جامعة الملك فيصل

http://www.kfu.edu.sa/ar/Deans/elear...ages/main.aspx

شوفوا بس كيف موقعهم مجرد تدخله يفتح نفسك للدراسه

الرقي يكون بجودة تقديم المادة العلمية بجميع جوانبها وباحترام الطالب واقل القليل بالاحترام يكون في خطة ثابته تمشي عليها العماده

بس كل ترم يطلعون لنا بنظام جديد ؟؟ وش هالجامعه الي كل يوم والثاني يطلعون علينا بقرارات جديده

لا ومتى تكون قراراتهم ؟؟ بالوقت الضايع عشان يكتمون ع انفاسك ما تقدر تتكلم

وش رايكم بفكرة غييير ما تتوقعها منا العماده ؟؟

من فيكم راضي عن اسلوب وطريقة تقديم المادة العلمية ؟؟

طلاب التحضيري هل جميع المواد عندكم بالايميس محدثه يعني المنهج هو نفسه الجديد او القديم ؟

اتوقع اغلبها قديمه

والطلاب في باقي التخصصات بالمثل وش اخبار المحتوى الالكتروني للمادة عندكم محدث ؟؟

والسنترا يعلق معكم الصوت واضح ؟ الطالبات الاستاذة الى الان تشرح الماده وصوت بزر جنبها يصيح ؟؟

تقدرون تعيدون المحاضرات بدون مشاكل ؟؟

الاعمال الفصليه تظهر لكم ع الاودس ؟؟

يعني كل هالبلاوي متحملينها وساكتين نبي نمشيها بالطول بالعرض وحضرتهم طالعين لنا كل يوم بقرار جديد ؟؟

طيب دامكم فالحين باصدار القرارات ضبطوا انظمتكم ال 4000 ريال وين تروح اذا ما صرفتوها ع تطوير الانظمة وتحسينها وين تروووووح ؟؟

جامعة فيصل رسومهم اقل بكثيير وانظمتهم متفوقه ع الايميس والسنترا بمراااااحل مافي مقارنه اصلا

فكرتي نقدم شكوى لوزارة التعليم العالي عن التسيب الي صاير بانظمة التعليم عن بعد

بس قبل لا نروح لوزارة التعليم العالي نروح للعماده ونستفسر وش سبب تغيير الاليه اذا ما شفنا في امل يرجعون الوضع مثل ما كان 50/50 نسلمهم نسخه الشكوى الي راح نرفعها للوزاره ونشوف ردة فعلهم

لنا حقوق ولازم ناخذها

شلون بتاخذونها ؟؟ بالكتابه بالمنتديات ؟؟ او كل واحد يجي ويكتب اسمة الثلاثي ورقمة الجامعي بالشكوى ؟؟

وش تختارون ؟؟