[mesho.ksa]

..





موقف اخر ولكن في مكان وزمان متاخرين شوي



كنا متواعدين انا والشباب نتجمع عند مواقف الرد سي بعد مايقفل السوق على 1 تقريبآ وكان يوم خميس

التجمع سببه استعراض سيارات + تصوير + مسيرة صغيرة من الرد سي الى التحلية وبعدها نلتقي مع قروب ثاني هناك ونكمل المسيرة من التحلية مرور بالكورنيش + ابحر الشمالية

طبعا المسيرة بتنظيم وادب وبدون اي تجاوزات



كان اول الواصلين اخوكم في الله ومعاي 3 وكنا واقفين برآ


وانا واقف وشوي اطقطق بالبلآكبيري ومرآت اطالع بالي بالشارع واقفين وش يسوون وعادي الوضع طبيعي جدآ


لفتني شكل واحد متخلف وحقير لآبعد الحدود

عند مخرج البوابة على الشارع العام كان في بنت تقريبآ عمرها في حدود 24 الى 28 ومعاها بنت صغيرة تقريبآ 3 ابتدائي والواضح انها تبي تاكسي وترجع للبيت

واخونا بالله نآشب لها هي توخر وهو وراها ويتكلم عليها وهي تلف وتحوس بمكانها 360 درجة على انه يفهم ويضف وجهه لكن مافي فآيدة


استمر الموال هذا لـ ربع ساعة وبعدها قفلت معاي انا من هالغبي وش يبي فيها هي محترمة نفسها ومتحجبة ومافي اي دليل انها راعية ترقيم وهالحركات

كلمت واحد من الي كانو واصلين عندي ع البلآك وخليته ينتبه للي يصير وهذاك على طول قفلت معاه ونزل من السيارة وتوجه للسقيم هذآ

<~ طبعا خويي الي نزل جسم ماشاء الله وعضلآت وهيآط لكنه اخلآق ويكره مثل هالعينات البليدة

راح من ورا هالنشبة ومادرى عنه سحبه من قفاه والادمي انتفض وبلع ام العافية

خير وش عندك هنا ياغبي وش تبي باهلي جالس تتحرش فيهم

ونزلت انا ونزلو الشباب يهدون الوضع <~ وخويي اصلآ بس يبي يخوفه ويتركه مابيسويله شي

وقامو الزقرت يهدون السالفة صلي ع النبي وهذا حشرة وماعليه المسامح كريم ومدري ايش


المهم مدري وش صار لآن كنت اكتب بآلبلآك <~ يآذآ البلآك
واشوف النشبة ارتد للخلف وطاح وقام بسرعة وحط رجله جرررررررررررري <~ متعوب عليها ارتد للخلف هههههههه


والعالم تفرقو وهدي الوضع وكل شي سليم وباقي البنت واقفة تنتظر تاكسي

سالها خويي تبين مساعدة تبين شي <~ بحسن نية والبنت طنشته ولفت عنه تحسبه بيغازل مثله وانه سوآ موقف وحركتات


الا شوي نطت الصغيرة نبي نرجع البيت بتاكسي

وقف لهم تاكسي واتفق معاه على حسب وصف البنت ورآحت الله يستر علينإ وعليهآ




الساعة كانت حوآلي 1ونص او 2 الا يوم صارت هالطوشة الكبيرة





البنت الله يستر عليها مايندرى وش ظروفها الي اجبرتها تتاخر لمثل هالوقت واللوم ماهو عليها

اللوم على بعض شبابنا الله يهديهم مافكرو لحظة بالمثل الي يقول / من دق باب الناس , بكرآ الناس تدق بابه ..


يعني يانشبة مثل ماتعرضت لهالضعيفة ورفعت ضغطها بثقل دمك وجالس تغازل وترقم

ترضى بكرآ يجي واحد مثلك متخلف ويتعرض لآهلك؟

لو كان خويي من جد هو اخو البنت او احد من اهلها هل تعتقد انه رح يتركك سليم ؟
ويكتفي بانه رماك على الارض مثل القمامة ( الله يكرمكم ) ؟


نهاية الموقف




الله يهدي شبابنا للجادة الصائبة ويرد النور لعقولهم ويستوعبو الي جالس يصير من حولهم

همسســة

الي تطالب بالقيادة ونبي نسوق ونبي ونبي ونبي

انتي مع السواق والسيارة مظللة وماحد يدري مين بداخل السيارة هل شباب ام بنات وتلقين كم هائل من المعاكسات من ضعيفي النفوس

وبلطف الله وستره وتصرف بعض السائقين بكل ذكآء ودهاء <~ البعض الاخر من جنب القدة ولآ يدبر شي


لو كنتي لحالك بالسيارة ومانبالغ ونقول منتصف الليل او الفجر

نقول على 10 بالليل كنتي ماشية بالطريق لحالك وجاتك مضايقات زي كذآ هل تعتقدي وانتي لحالك بالسيارة رح يتركونك؟ او رح تقدري تفلتي من يدين هالشرذمة الا اذا الله وقدر لك الهروب منهم باعجوبة ..



انصحكم تتغاضو عن توافه الامور وتنتبهو للمصلحة الكبرى وهي حماية اعراضكم وحماية كرامتكم من ان تدنس من بعض المتطفلين الحمقى