انتي اللي فهمته منك دوامك الاصلي من 9 الى 4 او 5
يعني دوامك من 7 الى 8 ساعات يوميا
لكن انتي اضفتي له ساعتين مواصلات روحة وجية و3 الى 4 ساعات مذاكرة جماعية
وهذا كله باختيارك وانتي مهيئة نفسك لهذا الوضع يعني ما عندك مشاكل نهائيا
فرضا لو انا حاليا قلتيلي اصير مكانك وفرضا قلت بصير مكانك لاني تقبلت الجو اللي انتي عايشة فيه
وبجهز نفسي للسفر وكل شي وخلاص بصير مكانك وفجأة تقوليلي ترى دوامك احتمال لما تجي يتغير ويصير من 9 الى 10 ساعات يوميا من غير المذاكرة والمواصلات
على طول برفض مو لسبب اني ما راح استحمل لكن لسبب التغيير اللي حصل
ما ارتاح نفسيا لأي تغيير يطرأ على امور انا مجهز نفسي لها في صورة اخرى غير الصورة اللي في بالي عنها واتفقت ووافقت على الصورة
ولا تفهمين من كلامي اني شخص ما يناسبني الاعمال اللي فيها مفاجآت وازمات فجائية
لا لا بالعكس يمكن هذي اكثر اعمال تناسبني لما تقولي اني راح اواجه ازمات وامور فجائية في هالوظيفة
بكون مهيء نفسي وحريص اكثر من اي شخص اخر لمواجهة هالأمور لاني زي ما قلتلك مسألة اني ما احب المفاجآت جاي من حرصي الزايد على الامور اللي يتقابلني وكيف اتعامل معها ومدى استعدادي لها
|
بس يبالك تعرف من دحينه الشركات الكبيره زي ارامكو وسابك وغيرها نظام التغيير فجـأه موجوده، لانو اعرف واحد ماشاء الله دوبوا اتوظف معاهم ووقع معاهم انوبيشتغل في الظهران كده بعد 4 شهور المشرف قال لو راح ننقلك في بترورابغ ودحينه بيشغل في بترورابغ في البدايه ادولوا سكن بعدها بشهرين خرجوه من السكن لانو قالو راح نستقبل موظفين غيركم جدد لازم نتضطر نخرجك انت وزملائك في السكن النهايه الحمدلله ساكن مع اهلو في جده ويضرب مشوار ساعتين او ساعه نص من جده الى رابغ ومن رابغ الى جده، وكمان ارامكو عندهم شغل الشفتات كده شهر دوامك من 7 الصباح الى 4 العصر والشهر اللي بعدوا من 7 المغرب الى 4 الفجر، وعندهم شفل السفرات لازم تروح اسبوع البحرين او الامارات او غيرها عشان المؤتمرات او تسافر اسبوعين اليابان او الدول الاوربيه عشان تعمل عقد مع شركه تانيه او تحاولوا تخططوا مع بعض ايش الافضل لمستقبل الشركه.
ربنا يوفقنا ويكتب لنا الخير