رد: βℓυε ₥αя[G]яiττα just arrived
السلام عليكم ..
بصراحة حتى أنا ما كانت رغبتي أسنان كان الكل متوقع اني راح أدخل بشري حتى الأبلات في المدرسة حقتي متوقعين كدا >> معرف ايش الحكمة
أنا بصراحة طوووول حياتي ما كان في بالي شي معين كل شوية أبغا أكون حاجة ما خليت تخصص في العالم إلا وأبغا أسيرو ^^"
والي تمر بيلو دا طبيعي جدا وانا ترى مريت بيلو مع اني صح اخترت أسنان وبرغبتي بس مو بكامل قناعتي بصراحة لكن اقتنعت في الأخير وحبيت التخصص مرررررة وانا أأكدلك انك راح تحب التخصص وتنبسط بالكلية ..
أحلى شي في عالم طب الاسنان إنو إلي تدرسو راح تطبقو في سنتك يعني مو زي البشري تقعد تراكم كل إلي تدرسو وبعديييين تطبق على المرضى على خامس أو سادس وممكن حتى ما تطبق بس تشوف الدكاترة ايش يسوو بس ..
والتطبيق حقهم في الامتياز
لكن احنا نطبق الدروس والمناهج على المرضى عشان يثبت أكتر وأكتر طبعا مو من أول مرة راح يكون في دكاترة يرقبو ويعلمونا أليييييين نتقن الشي ..^^..
أنا حبيت من كلامي دا بس اني أحمسك لدراسة طب الاسنان ومو قصدي اني أرخليك تتراجع عن تحولك للبشري
وانتا شوف نفسك في سنة تاني لأنو كتير مواد حقت الطب البشري راح تدروسوها ومرح تحس نفسك انك دخلت أسنان أصلا من المواد دي ..
واتوقع انو مادا ما قصر معاك في أجوبة للأسئلة حقتك ولو تحتاج لتفاصيل دقيقة أكتر احنا حاضرين =)
بالتوفيـــــــــق يارب ..
تحياتي: Kaira
|