الشمس غابتـ
^
الشمس غابت فـ العيون وتصورت
يا مشبهك لـ غيابها في تغليك
غابت وظلم جوها لين قدرت
ان الفراق وظلمة الليل تعنيك
تعبت اعكس اسمي عليك وتكبرت
دمح الخطآيآ كلها مانفع فيك
حفيت من رمضآ التباريح وانهرت
وقلبي يقول البعد صوته يناديك
وانا مااداني البعد ولكني اجبرت
شين المراحل واحدً مايدآنيك
اعايش الفرقآ وانا ماتغيرت
للحين في حبك لو البعد سافيك
والله ولو سافرت عني وهاجرت
انك ماتنسى وقفتي بين اياديك
اسلى مع النسيان واليآ تذكرت
اول مايطري بحتك يوم احاكيك
احزن واكابر والبلآ يوم كابرت
كتمان مافي الجوف يذبح محاكيك
مااداني احدً يشوفني لآتفكرت
لآنك بعيني عن غثاهم مخبيك
هذه هدآياك وهذا الورد والكرت
وساعتك والسلسال واشياء ماضيك
لو غبت لو جافت لو عفت لو طرت
ماينمحي حبً رسخ في محانيك
تحرمني الفنجال وانا ماشكرت
وشلون ماتملآه لـ عيون مغليك
الآانت خابر يوم جيتك وخاطرت
مريت ملقانآ وكن بي ارثيك
هذا انت تضحك لي وهذا انت اشرت
وهذه عيوني في عيونك تراعيك
كن المكان يقول ابطيت مازرت
وجهك ماهو بوجهك وحزنك موآريك
عز الله اني فيك عانيت واصبرت
حتى بحكي الناس لآمر طآريك
اليآ سألونك عنك صديت وانكرت
وانا عرف بالرمل جرت خطآويك
انت اللي بعمري ابد ماتكررت
مروني اشباهك وللحين شاريك
قولي متى قد قلت لي سوى وتعذرت
اترك افعآلي ولآهو خآفيك
مآعادني ويآي من يوم دبرت
ابغيك لكن علتي مااقدر ارجيك
الحاصل اني في غيابك تأثرت
وانت وضميرك شوف وش عاد يرضيك
اخاف لآترجع عقب مآتأخرت
الحق علي مادام الآيام تمديك
يمكن كذبت اخطيت جافيت قصرت
لكن قسم بالله مارضى البدل فيك
|