اهاا اهاا فهمت عليكي >> بس مو مرررة
إداا كاان بحسب اللي فهمته، فما عندك أي مشكلة من عدم وجود الرمز عشان تجهزي الجدول من دحين..
افتحي الأودس، وادخلي ع الخطة الدراسية، فيها كل الموااد موجودة وبرموزها وأرقامها، وكمان ع الرابط داا:
الرمز نظم = bl والأرقام والأسماء نفسها اللي تظهر ف الأودس ف خانة الشعب الدراسية..
http://law.kau.edu.sa/content.aspx?S...g=AR&cid=37895
يارب أكون فهمتك واستفدتي من الفلسفة حقتي هههههههههههه
ولو كاان لا.. ف معليش كمااان وضحي أكتر، لأني مني شايف أي مشكلة ف كلامك اللي بتقوليه، لأنوو الشعب والمواد والحذف والإضافة لحد الآن ما تحددت من العمادة أصلا، يعني الكلية مالها صلاح، لأنها أدنى منها ف المرتبة التشريعية، ولا يخالف التشريع الأدنى مرتبة تشريعا أعلى منه ههههههههههههه>> دي آخرة اللي يخش تخصص القانون
الله يوفقكم ياارب ويسهل علينا وعليكم إنشاا الله؛؛
|
هههههههههههههههههههههههههههههههههه
واللهي داخلة وقلت خلاااااااص اكيــــد الصورة اتضحتلك وفهمت علياااا ..
حسيــــت الرمز دا سار قضية وبترافع عنهاااا امام القاضي( بحر الحرية ) .. شكلي حكتب مذكرة في الرمز المزعووم دااا .. انا بقـــول يمكن منتا فاهم عليا عشان الاودس عندكم مخـــتــلــف عن الي عندنا ف منتا متخيل ابعاد الازمة :) يمكن الاخت سوسوانا حتقدر تفهم كلامي بشكل اكبر بما اننا كلنا واقعين الوقعة السودة دي
يا اخي الفاضل بحر الحرية اكيد طبعا ما حعمل البلبلة دي عشان مواد الخطة الدراسية وانا عارفة انو هيا موجودة مو بس في موقع الجامعة في الاودس نفسو في ايقونة خاصة بالخطة وشاملة المواد برموزها بكلووو :) انا اصلا اكاد اكون حافظاها فأبدا مو هيا دي المشكلة ..
انا ح اعطيك مثال واتوقع انو ان شاء الله حتتضحلك الصورة ..
بما اننا ناخد بعض من مواد قسم الدراسات الاسلامية زي اصول فقه وقواعد ونظريات وبما انوووو رمز قسم الدراسات islsموجود عندنا وغير مختفي ف حضربلك المثال في هاتين المادتين )<< اصول وقواعد)..
انا الان ما اخدت لا اصول فقه ولا قواعد ونظريات .. وكنت ناوية صراحة انو اخد مادة اصول فقه(1) في السمستر الاول من السنة دي و المادة دي حطيتها على راس المواد الي ابغى اخدها في السمستر الاول وطبعا اكيد ما ابغى اخدها الا مع الدكتور الفاضل مازن بخاري لشكركم ومدحكم فيه =)
ف طبعا دخلت على رمز الدراسات isls عشان اشوف الشعب الي نازلة وايوا ترى على فكرة انتا بتقلي انو العمادة ما نزلت لسى الشعب والاوقات ,الا ترى نزل كل شي مو باقي غير اسماء الدكاترة ..
المهم ف اطلعت على المواد فلقيت انو مو نازل غير شعبة وحدة من اصول فقه على عكس السنوات الي فاتت كان ينزل اكتر من شعبة.. المــــــــهـــــم لقيت الشعبة اليتيمة دي نازلة مع دكتورة حتقلي كيف عرفتي !! الاسماء لسى ما نزلت !! حقلك عرفت من المبنى لانو لو دكتور حيكون في مبنى (9) <<< مبنى الشبكات الي مافي غيروو بس المادة نازلة في مبنى 8 (مبنى من مباني كلية الاداب ) ..
فطبعا لمن عرفت انو المادة نازلة مع دكتورة فخلاص صرفت نظر عن المادة كلهاااا وحأجلها ..
وشفت قواعد ونظريات قلت ما شاء الله نازلة 3 شعب .. شعبتين مع دكتور وشعبة وحده مع دكتورة .. فلما قلت امممم اخد أي شعبة !؟! اكتشفت انووو اساسا ما ينفع اخد مع الدكتورة ليش لانو مدري في نظام عبيط شويا يقيدك بانك تطالع في اخير خانة الي هيا خانة الكلية ويقلك اذا المادة نازلة لكلية رقم (1) يعني هيا لكلية الاداب وكلية الادارة ما ينفع يضيفوها الا طبعا اذا رحت الجامعة بنفسك وضفتها ..مدري طبقوا دا الشي السمستر الي راح في المواد العامة الي هيا ثقافة وعربي واتوقع طبقوه ايضا في بعض المواد المشتركة بين الكليات مدري اذا حيطبق علطول ولا السنة الي راحت كانت استثنائية !
المـــــــوووووووهم قلت الشعبتين التانين نازلين لكلية الادارة لانهم للكلية رقم (2) فقلت حختار مبدئيا شعبة الدكتور الي في s.m.w لانو أفضل دي الايام ووقت ما تطلع الاسامي اجزم في الموضوع .. (( والصورة الي في الاسفل يمكن توضح كلامي )) :)
شــــايف كيف طولـــــت مـــرررة في الشرح لانو الحكاية مو بس انو اطلع على المواد واقول انا ابغى اخد المادة الفلانية ولا المادة العلانية المسالة فيها تكتيـــك وتنسيــــق وزي ما شفت كنسلت الاصول مع اني كنت مررة حريصة انا اخدها السنة دي ..
ف تصور باللهي لو نزل رمز قسم القانون وقت الحذف والاضافة كيف يمديني في المعمعة دي اتكتك او انسق والواحد يلا اذا ضاف مادة يسجد سجدة شكر =)
ان شـــــــــــــــــاء الله المرة دي تكون فهمت عليا
واذا ما فهمت عليا خلاص حترك القضية دي لاحد تاني يترافع فيها
واللهي كرهت المـوز والرمـز والرمـوز واي شي يتكون من دول ال3 حروف
..
يلا ان شاء تتســهـل وتنــحل وتــنفــرج :) وآمين الله يوفقنا جميعا :)