بسم الله الرحمن الرحيم
كما وعدتكم امس اني اروح اليوم الصباح لديوان المظالم بفرع منطقة عسير وايضا قابلت مدير فرع هيئة التخصصات الصحية بأبها بمكتبة ,
اولا توجهت لديوان المظالم وقلت لهم الموضوع , أفادني المسئول بالطريقة الصحيحة للتظلم .
قال اول شئ أفضل نكون مجموعة كبيرة نرفع تظلمنا بمعروض واحد مشترك (
طبعا كل منطقة لحالها بالنسبة لي أنا سأخدم طلاب منطقة عسير بأكملها )
وأفاد أيضا :
التظلم لابد يكون موجه لهيئة التخصصات الصحية بمدينة الرياض فقط لأن القرار صادر منها والفروع مالها أي علاقة هي تنفذ فقط , وترسل كامل الدعوى إلى ديوان المظالم - المحكمة الإدارية بالرياض - عن طريق البريد الممتاز فقط لان ديوان المظالم اللي بالمدن يستقبل الدعاوى اللي بنفس المنطقة فقط مثال : أنا بأبها وبشتكي مثلا مستشفى التخصصي بالرياض , هنا لابد من الشكوى بديوان المظالم بالرياض فقط , فالطريقة كالتالي :
1- معروض مشترك من طلاب المنطقة .
2- قائمة بأسماء الكل ورقم الهوية والإتصال .
3- الشهادات .
4- قرار التصنيف من المادة 9 بلائحة التصنيف (
بالمرفقات )
5-صورة بطاقة الأحوال.
6-ورقة تكتب فيها كامل بياناتك وارقامك وعنوانك .
(
ملاحظة : كان يستحسن نرفق تعميم يثبت إيقاف التصنيف لاكن ماقدرت وحاولت من فرع أبها يعطوني صورة وأعتذرو )
المهم: تجمع الاوراق جميعها بمعروض واحد مشترك وأرسلها بالبريد الممتاز للديوان بالرياض. وبعدها راح يتصلون علية لتحديد موعد جلسة عندهم ,
هذي بياناتي لطلاب منطقة عسير كلها جمعو اوراقكم المطلوبة ماعدا رقم 1 ورقم 2 هذي أنا بكملها معكم سوا جهزوها واتصلو علية
ايمالي ورقم جوالي مع
------------------------------------------------------
انتهينا من ديوان المظالم
- بعدها توجهت لفرع الهيئة السعودية للتخصصات الصحية بعسير
بسم الله :
توجهت مباشرة الفرع بابها وقابلت مسئول الفرع /, بصراحة كان رجل قمة في الأخلاق واللطف واللباقة .
استفسرت منه عن قرار الإيقاف وكان جدا جدا منزعج من هذا القرار كما أفاد.
بانت عليه ملامح الاستغراب من هذا القرار وقال انه قرار خطأ ومتسرع وماله اي سبب مقنع.
وقال انه ظلم حقيقي لأن قبل القرار باأسبوع واحد فقط وجهو عدة أشخاص لمستشفى الصحة النفسية بأبها للتدريب للحصول على التصنيف (
سألته هل يشملهم القرار , قال لا ) .
وقبلها بعد ناس كثير تصنفو وتحسن مستواهم بعملهم وناس عدلو مستواهم من فنيين إلى أخصائيين وفجأة يتوقف التصنيف خطأ فادح (
حسب كلامه )
ويقول انه متوقع انه ماراح يعدي هالموضوع وراح تسير ضجه (
وتأكد بعدما وصلت عنده ) قلت انه فيه منتدى لنا شامل للطلاب والطالبات , قال استمرو بالمطالبة بحقكم.
----------
الطامة الكبرى هي : (
طبعا بعد ماقالي ان مدير عام الهيئة الدكتور عبدالعزيز الصائغ رجل شهم ولايمكن يسكت ولا يرضى )
سألته هل الدكتور عبدالعزيز الصائغ من أصدر ووقع القرار ؟؟؟؟؟؟
قال - لا - بل كان طيلة الأسبوعين الماضية يمر بوعكة صحية أو إجازة مرضية او عادية لا أعلم بالضبط وتم اصدار القرار من نائبة وتوقيعة للأسف أستغل منصبه كنائب اثناء غيابه ومارس العشوائية بقرار خاطئ جدا .
نهاية حواري معه :
نصحني بداية بعمل جماعي لمقابلة الدكتور عبدالعزيز الصائغ بالرياض .
ولابد من موعد مسبق يطلب عن طريق الإيميل .
اتصلت على رقمهم 920019393 واعطوني ايميل , يقولون لازم نرسل ايميل نكتب فيه :
1-الإسم- ( راح نكتب مجموعة من طلاب علم النفس * إنتساب )
2- مختصر للموضوع وسبب المقابلة.
3-رقم اتصال اللي بيستلم الموضوع بالرياض من الاعضاء عشان يعطونه موعد وبعدها يخبرنا نتجمع كم واحد ونروح (
بالنسبة لي مستعد أن احضر من أبها للقائه معكم )
(
هذي بمنطقة الرياض اتمنى أحد الأخوان ساكن بالرياض يستلم ويتبنأ موضوع الهيئة بالرياض )
إيميل المواعيد هو :
csc@scfhs.org
---------------------------------------------
الخلاصة ***
1- تبدأ كل منطقة بالرفع لديوان المظالم - المحكمة الادارية بالرياض ( واحد فقط من كل منطقة يتبنأ الموضوع ويجمع الاوراق من منطقته بطريقته )
2- يتكرم شخص من سكان الرياض بمتابعة موضوع الهيئة ( حي السفارات - بجانب السفارة المصرية )
3- إنشاء قروب واتساب لنا للتواصل السريع ( اولا ارقام متابعي المناطق واللي بيستلم منطقته اهم شي )
بالنسبة للطلاب ارسال ارقامكم واسمائكم عالخاص لان قوانين المنتدى تمنع عالعام
وبخصوص الطالبات ارجو من اي طالبه تتبنى التواصل مع زميلاتها وارسال ارقامهم فيما بينهم على الخاص للتنسيق
(عذرا ماعرفت ارفق صورة المادة 9 من دليل التصنيف - عموما موجودة على موقعهم)
اسال الله التوفيق لي ولكم