[LeLou]

بسم الله الرحمن الرحيم.. بداية أحب أشكر جميع اللي اشتركوا معانا في هذه الدورة سواء من سلم تكليف واحد أو من قدم كلمة شكر أو من شجع فكرة الدورة.. و طبعًا أخص بالشكر الجزيل كل من شارك بتسليم جميع التكاليف .. أتمنى أنكم تكونوا استفدتوا من الدورة و الآن جاء وقت الحصاد.. لا تخافوا ترى الاختبار أسهل من الواجبين الأخيرين لكنه بصراحة مستواه مو مرة سهل.. لذلك أنصحكم تــاحذوا وقتكم و انتوا تحلوا و أنه كمان تستنوا الآنسر كي حق الواجب الأخير و إن شاء الله ح أحاول أنزله لكم اليوم.. لكن التصحيح ح يكون strict جدًا و أتوقع أنه شي مو غريب عليا و أنكم اتعودتوا على دقة تصحيحي .. حملوا الأسئلة من المرفقات + النموذج تبع الإجابة اللي تحطوا إجاباتكم فيه.. كلمة السر لفك الضغط هي:/ 090807060504030201 طريقة تسليم و حل الامتحان تكون كالتالي:/ 1/ تحميل الأسئلة و من ثم الإجابة عليها في نموذج الإجابات.. 2/ الرجاء استخدام نموذج الإجابة المرفق ،، و عدم استخدام مستند وورد جديد.. و أعتذر لأني لن أصحح أي إجابات تُسلم في غير نموذج الإجابة لأنه التحصحيح يكون صعب جدًا.. 3/ ما يحتاج أقول لكم أنه لازم تلتزموا بقواعد كتابة الجمل و أنه راح تتحاسبوا عليها.. 4/ أحب أنوه على أنه في سؤال تحديد الجزء من الكلام للكلمات اللي تحتها خط (السؤل الخامس).. لو الكلمة حرف جر أو ظرف أو صفة أو ضمير لازم تحددوا نوعه.. عشان لا تنخسفوا في سؤال سهل زي دا :) 5/ أفضل أنكم تغيروا ألوان الاختيارات اللي تبغوا تختاروها في سؤال الاختيار من متعدد،، لكن لا تستخدموا اللون الأحمر رجاءً.. 6/ أرجو عدم استخدام اللون الأحمر أو المظلل الأصفر أثناء الحل.. 7/ لا تنسوا تشفير المستندات قبل إرفاقها.. طريقة تشفير الوورد هنا:/ http://www.skaau.com/vb/showpost.php...29&postcount=2 أضيفوا اسم العضوية لاسم الملف قبل حفظه.. أخيرًا قوموا بإرفاق المستند في هذا الموضوع.. آخر موعد لتسليم الإجابات هو الخميس 19 سبتمبر الساعة 10 مساءً.. بالتوفيق.. Good luck :) دمتم بحفظ الرحمن||~