[حربية]

وعليكم السلام ورحمة الله وبركاته


أولا اسأل الله العلي القدير انه يوفقك للاختيار المناسب .

وانت لا تنسي تقومي باللي عليكي بحيث تسألي عن التخصصات اللي تبغيها .


شوفي حبيبتي الانجليزي حلو ومطلوب لكن حطي في بالك انه مو مجرد قواعد و تطبقيها رح يكون فيه ادب و شعر وهالكلام

التربية الخاصة الجانب النظري جدا سهل لكن العملي رح تلاقيه انه غييير بحكم انه التعامل مع الحالات مو زي القراءة عنها ; يبغاله وحدة صبورة و شادة حيلها وفي نفس الوقت قلبها طيب وحنون عشان تعامل الاطفال بالحسنى اقصد انه خلال الدراسة رح تشوفي الوضع عادي يمكن تتعبك التكاليف شوي وما رح تحصليها بسهالة مرة بس التعب موجود في كل تخصص ف عادي لا تتذمري كثير عشان تمشي امورك وتنجزي لكن الميداني او التطبيق هو اللي عليه الشغل ; لكن اللي تحط في بالها الاجر الكبير من عند الله و تغيير حياة طفل وحياة اهله بعد مشيئة الله رح تستمر في عطائها و رح تطور من نفسها بحكم انه محد مسؤول عن احد انه يعلمه و يوعيه انت الافضل لك دامك في التربية تكوني ملمة بكل مسارات التربية الخاصة بشكل عام و مسارك بشكل خاص لأنه بكرة ممكن يجيك طفل عنده اعاقتين في نفس الوقت فاهمتني ؟
أحس اني زودتها و انا اتكلم عن التربية الخاصة صح ؟ ههههه

بالنسبة لرياض الاطفال ما اعرف عنه شي الصراحة .

و القانون كل اللي سمعته ومااعرف اذا صحيح او لا الحفظ فيه اكثر رح تحفظي الاحكام الفقهية و القوانين وكذا .

كل التخصصات حلوة لكن اسألي عنها و استخيري قبل تقدمي عليها والوظيفة الله العالم بها يمكن في البداية تشتغلي في مكان مو ذاك الزود بس تطلعي منه بخبرة كم سنة وبعدين تقدمي على شي احسن او ممكن تاخذي دبلوم او ماستر في تخصص ثاني و يفيدك >> هذا في حال ما حصلتي ـ لاقدر الله ـ على الوظيفة المطلوبة .

بس هذا اللي عندي اعذريني لو الكلام مو مرتب او فيه اخطاء املائية اللي يجي في بالي اكتبه لا و على السريع وعن طريق الجوال >> كملت ههه