السلام عليكم جميييعا...أتمنى أن تكونوا بصحة جيدة..
وعليكم السلام ورحمة الله ..
أنا حابة اسألكم بس عن تخصصات العلاج الطبيعي و التمريض..
اولا:ايش النسب المطلوبة عشان يقبلوني في هذي التخصصات؟
عندنا دي السنه قفلوو كلية العلوم الطبيه التطبيقيه على 4.43 او شي قريب من كداا يعني 4 فاصله شي و اربعين
ثانيا:كم عدد سنوات الدراسة للعلاج الطبيعي والتمريض بدون السنة التحضيرية؟
الخطه 4 سنين و مع التحضيري 5 سنين ..
طبعا سنه تحضيري و 3 سنين دراسه و سنه امتياز .. دا بالنسبه لنا احنا العلاج
اما التمريض اتوقع نفس الشي كمان بس اتاكدي من بنت تمريض احسن
ثاالثا:تخصص العلاج الطبيعي ايش مضمونه؟يعني عن ايش بيتكلم؟
العلاج الطبيعي في مواضيع كتيره بتتكلم عنوو .. دوري في موضوع لـ weddah فيلوو كل شي عن العلاج ..
بس هوا عموما يعني نعالج الاشخاص اللي عندهم ضعف في عضلات او عظام او الناس الطالعين من العمليات ممكن باجهزه معينه وممكن بتمارين يعني شي زي كداا .. بس مره حلوو انو تغيري حياة اشخاص .. يعني ممكن ناس ما يكونو يقدروو يمشوو ممكن بتمارين يقدروو يمشوو .. زي كداا ... يعني شي والله حلوو ..
وهوا اقسام كتيره في شي علاج الكبار في السن , في شي اطفال , في علاج بعد العمليات , في ولاده اللي هوا تاهيل ولاده وما بعد الولاده , في اللي هوا حق الجروح الرياضيه وفي كتير اقسام تانيه .. بس طبعا انتي ما تخصصي دحين .. احنا كل دراستنا علاج طبيعي عام التخصص اعتقد بعد التخرج مني متأكده ..
اما بالنسبه للدراسه ندرس علاج كهربائي ومائي طب قلب و صدر وعظام واعصاب واطفال وتمارين رياضيه وكداا .. غير المواد العامه زي التشريح وكداا ..
وشكرا لكم جميعا وتمنياتي لكم بالتوفيق والنجاااح الدائم ان شاءالله