[A7la remo]

السلام عليكم ورحمة الله وبركاته
أخواتي حببياتي وصديقاتي في التخصص
أهلا وسهلا فيكم في تخصصنا الأكثر من رائع
يسعدني أشوف التفاعل الموجود في القسم هذا ، وإن شاء الله يارب تكونوا دفعة خير وتنبسطوا بالقسم ..

حبيباتي بقولكم كم شيء أطمنكم فيه :
أول حاجة قسم دراسات الطفولة من الأقسام الممتعه جدًا ، واستاذاتنا قمة في الأخلاق يسعدهم ربي ، اجتهدوا واشتغلوا والدراجات لا تشيلوا همها بإذن الله تاخذوا حقكم وزيادة .

الشي الثاني حبيباتي لا تقلقوا بخصوص التخصصات .. انتو مدام انقبلتوا اقتصاد منزلي لا تخافوا .. هما يقبلوا عدد معين دراسات طفولة تقريبا 60-70 طالبة كذا كان على دفعتي ،، واللي ما انقبلوا طفولة يخلوهم عام .. يعني يدرسوا ترم مواد عامة وثقافة وعربي وكذا .. والترم الثاني يتخصصوا التخصص اللي يبغوه .. فلا تقلقوا بإذن الله تفرحوا كلكم بقبولكم في التخصص ..

بالنسبة للحذف والاضافة والجداول .. عندكم الاسبوع الجاي اول اسبوع في الدراسة ،، كله حذف واضافة وتعديل جداول ،، لما تنقبلوا في القسم راح يوجهوكم لمرشدات اكاديميات ،، كل دكتورة في القسم يكون عندها مجموعة طالبات هي المشرفة عليهم وهي اللي تسوي لكم جداولكم زي ما تبغوها وتنصحكم بأفضل المواد وترتب الجدول معاكم .. فلا تخافوا حبيباتي ..

وارجع اكرر ترحيبي بكم في القسم ،، اتمنى تستفيدوا وتستمتعوا ،، حتلاقوا نفسكم تتعبوا في الشغل العملي احيانا بس لما تشوفوا النتيجة النهائية والدرجات حتنسوا التعب كله << شعور مجرب :)
أي سؤال أو استفسار عن أي شي يخص القسم والاستاذات وأي مساعدة أنا حاضرة ،، بإذن الله أقدر افيدكم بكل اللي اعرفه ..

موفقات حبيبات قلبي :)