...جزاكم الله خير ...
عندي بعض الاسئله..لمشرفتنا العزيزه ..وللخريجات
|
هلا عزيزتي فتاة الديجتال
س1/ كم اقصى عدد للمواد تكون مع مشروع التخرج ..بمعنى ..صعب تاخذين 4 مواد تخصص ومشروع تخرجع ...ولا عادي ....؟<<ناويه اتخرج قبل خمس سنين
|
هو النظام يسمح تأخذي 4 او 5 مواد مع المشروع...اذا ما كان النظام يجبرك زي بعض البنات في الترم الماضي
بس شخصيا اشوف الموضوع مرة صعب كدة.. لأنه المشروع يحتاج تركيز من اول الترم لأخره
ولو كانت المواد كثيرة يعني اختبارات و واجبات ورا بعضها...ولو مو على الخطة يعني ابشرك بالتعارض في اوقات الاختبارات
باختصار...قد ما تقدري حاولي تخففي على نفسك المواد مع مشروع التخرج عشان شتغلي فيه كويس
س2/ في المشروع مشيتوا على نظام معين ...يعني سويتوا لكم جدول تمشون عليه بحيث ان اليوم الفلاني
تكونون مخلصين الي اتفقتوا عليه..او عادي زي ما تجي الايام تجي معها التساهيل؟؟
|
طبعا لازم الواحد يحط خطة من هذا النوع
بس انتبهي لا تكون مواعيد سعودية...حاولوا تلتزموا فيها قد ما تقدروا وتعملوا حساب انه اكيد رح تطلع لكم مشاكل و ايرورز تحوسوا فيها اكثر من اللازم
س3/ المشروع الي سويتوه فيه احد يقدر يتسفيد منه..,, يعني شركات تقدر تستخدمه او تطلبه منكم..
تقدرون تبيعونه ؟؟<<وش تبي ذي شكلها تبي تتاجر..
|
اذا عملتوا مشروعكم كويس ...ممكن ليش لأ
وسمعت انه البنات اللي فازوا في مسابقة مايكروسوفت هذه السنة اتعرض عليهم مبلغ عشان برنامجهم
افكر بأسئله ..ثانيه ....وارجع .. ..
ان شاءالله ما انطرد من هنا ...
|
خذي راحتك البيت بيتك