[LeLou]

المشاركة الأصلية كتبت بواسطة roo7 aboha وعليكم السلام ورحمة الله وبركاته يعطيك العافية يارب على مجهودك العظيم بس الصراحة هذا اول درس احوس فيه>>> الاخت حايسه فيه من زمان اتمنى منك تعطيني امثلة على تكوين السؤال في المستقبل البسيط. لانو في التكليف اخر سؤال ماعرفت اكون سؤال في زمن المستفبل البسيط وانا حليت التكليف بس مااعرف اذا صح او غلط والصراحة انا من زمان احوس فيها . فياليت توضيحها عشان افهمها. وشكرا جزيلا لك عزيزتي

الله يعافيكِ يا رب..
//

عشان نكون سؤال في أي زمن كان،، دائمًا نسويه بهدا الأسلوب:/
لو نبغى نكون سؤال wh- :/
Wh- word auxiliary verb subject main verb?

أول شي أداة الاستفهام،، بعدين الفعل المساعد..
و الفعل المساعد يختلف باختلاف الزمن ممكن يكون do/does, did, be, will, have/has, had, etc..
بعدين الفاعل في الجملة..
بعدين الفعل الرئيسي..
و إذا الجملة فيها مفعول أو حروف جر أو كذا برضو نضيفها للجملة بس دي الحالة العامة..
دا ما عدا لو كنا نسأل عن الفاعل ساعتها ما نستخدم فعل مساعد و يكون تكوين السؤال سهل جدًا..
بس نشيل الفاعل و نحط بداله أداة استفهام و باقي الجملة زي ما هي..

::

في حالة المستقبل الفعل المساعد عندنا دائمًا هو will
فنكون السؤال بهذي الطريقة:
ًWh- word will subject verb (base form)?
الفعل الرئيسي ننتبه ما نحط له أي إضافات..

يعني مثلاً:
He will buy a pen.
أبغى أسأل عن الكلمة اللي تحتها خط،، باعتبار أنها شيء،، راح أستخدم what..
What will he buy?
زي ما ذكرت مسبقًا الأداة،، تليها الفعل المساعد،، يليه الفاعل،، يليه الفعل في الشكل الرئيسي بدون إضافات..
طبعًا كون أنه في إضافات للفعل أو لا دا يختلف من زمن لزمن..

//

نجي للــ yes/no:
و هي أسهل و أسهل..
دائمًا تكون على هذا الشكل:/
Auxiliary verb subject main verb?
و زي ما قلنا الفعل المساعد يختلف حسب الجملة و الزمن..

::

في حالة المستقبل:/
الفعل المساعد دائمُا هو will
فنقول:/
Will subject verb(base form)?
و وجود كلمات إضافية يعتمد ع الجملة اللي نسأل عنها لو عندنا مفعول أو ظروف أو حروف جر يصير نزودها..

مثال:/
He will buy a pen.
أبغى أسأل عن اللي تحته خط اللي هو اللي وضح لي الجملة مثبتة أو منفية..
يعني يا يكون will أو will not يعني محتاجة أسأل سؤال yes/no:/
Will he buy a pen?
ح تكون الإجابة:/
Yes, he will.

//


أتمنى يكون وضح لك الموضوع..

الواجب ما شفته إذا حابة تعدلي فيه شي تقدري ما عندي مانع طول ما أنه الآنسر كي لسا ما نزل..
موفقة عزيزتي||~