[oryx]

بسم الله الرحمن الرحيم



بتسألوني ليش ما كتبت لا حياء في الدين ؟


هذه الجملة الرقيقه تقال لمن منعه حياءه وأخلاقه من السؤال في تفاصيل يخجل من السؤال عنها


فيبادر الآخر ( لاحياء في الدين )


لكن ماذا لو كنا في زمن لا حياء في الأخلاق ؟


أقسم بالله العظيم أني أكتب والدموع تنهمر بدون توقف من عيني .. لماذا يا أبناء الإسلام؟


لماذا يا أبناء الحرمين ؟


لن أتردد في هذا الموضوع بكتابة كل ما رأيته وأعرفه من جنبات سوداء مظلمة في جامعتنا التي سميت بجامعة مؤسس أقدس بقاع الأرض .


.................................................. ......................


نبدآا أول بين أسوار الجامعة : بين أسوار الجامعة نسبة كبيره ومو شوي من بنات الجنس الثالث وهنا طبعن أقصد " من سمت نفسها ( بويه ) مؤنث لـ (boy) "


هاذي االفئة اللي خلفت وراءها نسبة شذوذ غير طبيعيه بين البنات ..


أفصّل بشكل أكثر عشان تفهمون أني ما أبكي من شواذ في المجتمع أنا قاعدة أبكي بين قاعدة كبيرة موجودة بينا .. عشان تعرفون أن الفساد قاعد ينتشر بشكل خطير ..


< البنات الشواذ لما تكون البويه مع خويتها تعاملها معاملة الرجل مع المرأه بكل ماتحمله هذه الكلمة من معنى بإختصار وبين القوسين ( غيرة - مكالمات طول الوقت - ماتروح مكان إلا لما تقول (للبويه) حقتها - اهتمام - هدايا - احتفال بعيد زواجهم قصدي تعارفهم - آخر شي ( العلاقه كامله ) )


لحد يكتبلي بالكومنتس هذا مو هنا لا هنا ومنتشر .. تبون تعرفون الكارثة الكبرى بقولكم عليها


نسبة كبيرة من البنات من هالنوعية وبجامعتنا ( فقدوا بكارتهم ) ومع مين مع بنت ><"


متخيلين الدمار وين وصل !!


يعني تعدوا خطوط الفطرة حتى .. يا ناس الحين حتى الدول الأجنبيه اللي لا دين ولا أخلاق يستنكرون هالشي وهم للحين بين مؤيد ومعارض له .. وهنا أبناء وبنات الإسلام عااااادي ولا كأن فيه دين وعرض وأهل وسمعة يردعهم خلاص ..


والله والله والله أن بنتين أعرفهم معرفة تامة أشتكولي بعد مانصحتهم وكلهم (فقدوا) أعزز شي يملكونه ..


والله ما قدرت أمسك نفسي كل اللي سويته قعدت أبكي واستغفر ..


وش ذا الحال اللي وصلناله .. هذا الكلام بين بنات الجامعه والثانويه بعد .. هذا غير الفضايح والتصوير والنكبات اللي يدبرونها لبعض البنات .. يعني شي يشيب الراس من جد ..!


نطلع خارج أسوار الجامعه ..


ليه مايكون فيه نظام بصمة للجامعه يحد من خروج قصدي ( هروب ) البنات من الجامعة البنات اللي ما يداومون بالجامعة يعني باختصار يدخلون الجامعة عشان يطلعون منها و أقولكم وش نظامهم بإختصار ( كوفيهات - يقابلون شباب - يدورون بالشوارع - البحر ( شاليهات أو (كباين زي مايسمونها هنا ) ولا جتات )


وأنا هنا أقف عاجزه عن وصف مدى الإنحطاط اللي وصلوله بعض البنات ..


ليش بس أبي أفهم ليش ؟؟


باعت كل شي .. وربي كل شي دينها و عرضها وسمعة أهلها و احترام الناس لها وحتى لو مادروا يكفي انها فقدت احترامها لنفسها يكفي انها انغمست فـ وحل مستحيل تطلع منه لو ماتابت لرب العالمين ودعت أن ربي يخلصها من هالطريق ..


يا ناس ترى اللي صار بجده مؤشر خطير للوضع هنا .. كلنا عارفين أن هذا إبتلاء وغضب من رب العالمين ..


لحد يقول أنا مالي دخل كلنا لازم نشوف حل نتكلم نوقف هالمهزله نفعل ارقام للبلاغات الأمنيه بالجامعة وبرا الجامعة


نبي نبلغ حتى عن الحفلات اللي تقام هنا وتكون مختلطة وفيها للأسف بنات بعمر الزهور يلبسون ملابس حتى أهل الكفر مايلبسونها .. كل هذا وتبونا نسكت ..


أنا تكلمت لأكشف لناس كثير طبيعة اللي قاعد يصير .. يا ناس ترى فيه كثير قاعدين يسعون عشان يدمرون هالبلد وللأسف بوابة فسادهم جدة لأنهم يتعذرون بنسبة الأجانب فيها ..


مانقدر نوقفهم عند حدهم ليش نكيف أنفسنا عشانهم أي أجنبي يدخل يحترم هالبلد المقدس ويتصرف بإحترام وتمشي عليه كل القوانين هو اللي يكيف نفسه للحياه هنا مو يجي وينشر الفساد والدعارة وحنا لا حس ولا خبر ..


تدرون أن الشراب صار بيبسي هنا يعني موجود بكل مكان .. في بلد حرم فيه الخمر والبارات والمراقص بلد يطبق فيه الإسلام وهذا حالنا ..


وللأسف قاعدين وساكتين .. بس اللي ناقص تتسوى هالفضايح علني .. لأن فعلا نسبة انتشارها غير طبيعيه يجيك مجموعة غضب الله عليهم يستأجرون شالية ولا شقه ولا حتى في بيته ويشغل الدي جي والشراب ويجيب بناتنا حالهم حال ( ... ) والله حرام والله حال يقطع القلب ..


أرجوكم ثبتوا الموضوع وخلونا نوقف وقفة جادة مع بداية هالسنة .. خلونا نقدم شي للإسلام ولوطنا حتى لو بسيط ..


أعتذر عن الإطالة لكن الموضوع متشعب وأترك لكم باقي الخيوط لتربطوها ..


.. سبحان الله وبحمدهـ .. سبحآن الله العظيم ..