[~Me~]

تسللللللللمـ الأيادي


كلامـ رائع وجميييييييييل جداً


طيب نحن نبغى نبدأ عملياً فدا الموضوع

أي احد عندو جمل يكتبها ومعانيها


طبعاً لازم ندرس القرامر ونكتبها فدا الموضوع

لأنو لما نجي نختبر الجمل دي محا تفيد وإذا اعتمدتي عليها صدقيني حتخبصي في الاختبار

انا شفت اختبار تحديد المستوى واختبرت توفل

يبغو كلمات + قرامر وبس الشغله كلها اختيارات وتعتمد على دي الحاجتين

الجمل مفيدهـ في التحدث

وزي ما قلتلك أول اانو نحفظ جمل وبعدين قرامر دي يبغالها وقت طويل يعني 3 شهور بس عشان تتمكني من الجمل ولسه باقي قرامر وغيرها يعني يبغالها وقت صراحه

وبعد شهرين حنبدأ دراسه وبعد البدايه بـ 3 اسابيع حيكون او اختبار دوري

وحنحتاج القرامر والكلمات بشكل كبير


اي احد ينزل كلمات ما نبغى كلمات ومعاني بس لا نبغى كلمات ومعاني و( ضد الكلمه ) او ( مرادف الكلمه ) لانو هيا الي يركزو عليها في الاختبارات

القرامر اشرحوهـ

والجمل نزلوووها بمعانيها عشان نحفضها ونطور مهارات الكلام عندنا


راح انزلكم بعض الجمل البسيطه تستفيدو منها للتحدث بطلاقه

---------------

I missed you very much

يعني وحشتني كتير

طيب لما أحد يقولك دي الجمله ترد عليه كدا

I missed you, too

يعني وإنت كمان وحشتني

---------------
No harm done

يعني ( لم يحدث ضرر ) او( ما صار شي ) زي كدا يعني

------

Count me in

يعني انا موافق

count me out

يعني انا مو موافق
---------------------


الي حاب يسمع النطق يدخل على قوقل ترجمه يحط الكلام وفي ايقونه حقت استماع يضغط ويسمع

دا رابط قوقل ترجمه اكيد كلكم تعرفوه بس للإختصار يعني

https://translate.google.com.sa/?hl=...huser=0#en/ar/


طبعاً يا شباب قوقل ترجمه مو دايماً ترجمتو صح يكلج في الترجمه دايماً خصوصاً العبارات زي الي انا كتبتها

طبعاً دي العبارات يمكن لو تفصل كلماتها عن بعض تلاقي معاني تانيا بس هيا لما تجتمع يكون معناها مختلف



-------

بالتوفيق للجميع