04-10-2012, 12:53 PM
|
#47
|
تاريخ التسجيل: Sep 2011
كلية: كلية الآداب والعلوم الانسانية
التخصص: اللغة العربية وادابه
نوع الدراسة: إنتساب
المستوى: متخرج
البلد: جــــدة
الجنس: أنثى
المشاركات: 1,130
|
رد: ♥همسآت قلبي♥ في صفحآت♥
يابوي جعلك للبقا والمكاسيب
عمري بدونك يالذرا وش أبي به
يابوي تسأل عن شفاك المراقيب
طلعة سواتك للنوايف غريبه
ليه المرض مايعرف الزين والعيب
مايدري أنك للمخاليق هيبه
أبسألك وشه به غزا وجهك الشيب
والقلب لايع والنواظر شحيبه
وش بك تحاتي لا نوى الموت تغريب
تخشى علينا بالليالي الكئيبه
خذ دلتك وأركى على مسند الجيب
وعطني شماغك بلثمه وأحتمي به
ونروح لأرض بها العشب والطيب
وتسمع كلام يالغلا تحتفي به
يابوي بنتك لا انحكى بالتجاريب
كل يشق لهيبه الصيت جيبه
يابوي ماني من سوات المخاريب
اللي تجيب لعلية القوم خيبه
وماني من اللي لا مشت حفها الريب
أنا من اللي مايدنس حليبها
مرفوع شاني عن غرام المكاتيب
وأكبر من انني ارتضي بالحبيبه
أنا غرامي لا تبدوا بالتراحيب
نفوس الاوادم في وجودي رحيبه
وإن كان زيني فتنة للمصاويب
أحط وجهي بالحريق ولهيبه
زيني أبيه واشتري سمعه الطيب
اسمٍ ينومس بالصروح الذهيبه
وإن كان عندي بالحلا شي اصعيب
عندي جدود مارضت بالغليبه
دموع القبايل في لقانا مساكيب
كن المقابر لاحضرنا قريبه
خضبت لك كفي من العز تخضيب
ورفعت راسي للنجوم الصعيبه
والله لأسدك بالفعول المصاليب
والله لأشيلك بالرخا والمصيبه
طلع المعالي ماانحكم بالشواريب
بنت وأناطح فارس القوم طيبه
وياشيخي ابش لو تدور الدواليب
بنتك إلا منه عوى الذيب ذيبه
|
|
|
|
( إذا لم تبدأ من الآن فأعلم أنك تقضي على
أهدافك , وأعلم أنك إن انتظرت أن تنتظم
الأمور فقد تفقد كل الأمور , والقاعدة تقول :
" بقدر قوة البدايات تكون روعة النهايات " ) .
.
.
.
( ما أتعس أولئك الذين أبلوا أجسادهم بغير
طاعة الله , وماأتعس تلك الوجوه العاملة الناصبة
التي لم تسجد لله سجدة واحدة , بل ما أتعس الذين
كبلوا أنفسهم ببذل المعاصي فأثقلتهم بالدنيا والأخرة ) .
|
|
|
|