وجاء موعد التقديم .. قدمت على أرامكو وسابك وجامعة البترول وجامعة الملك سعود وجامعه الملك عبدالعزيز ( ورغبتيـ الاولى وقتها برنامج ابتعاث خادم الحرمين الشريفين ) ..
وجميع الاشياء اللي قدمت عليها قبلت فيها .. بديت أستبعد الخيارات كلها وقلت أعطيـ أوراقي لجامعه الملك سعود إلى ما يجيـ وقت تقديم برنامج الابتعاث ( وقتها قبلت في السنة التحظيرية للكليات الصحية في الملك سعود ) ..
وزيـ ما قلت جاء قبوليـ في برنامج الابتعاث لدراسة الطب في أمريكا .. وقلت لـ أمي راح أسحب ملفي من الملك سعود عشان أقدم أوراقيـ في الابتعاث وفجأة أمي غيرت رأيها
وقالتـ لسى إنت صغير وما صدقت تسجل في الملك سعود - كان تسجيل ضمانيـ فقط - .. ووقتها كنت أشوف دموع أمي قلت والله دموعها ما تسوى ألف بعثة وشلت الفكرة من راسي وقلت خيرة إن شاء الله في الملك سعود ..
طبعا للأسف ما كنت مقتنع نهائيا بالملك سعود ( أو بالاصح أي جامعه ثانية سعودية ) ودرست 3 شهور تقريبا . اختبرت فيها 7 اختبارات ما بين اختبارين إنجلش واختبار ماث واختبارين حاسب واختبارين مهارات اتصال .. وكلـ الاختبارات جبت فيها الفل مارك
وللأسف كانت فينيـ ضيقة .. وغبت بعدها أسبوع كامل عن الجامعه ,, ورحت بعدها وسحبت ملفي - حتى بعدها بكم يوم اتصل دكتور الماث ودكتور الانجلش يسالون عني ( يعني كنت شطور عندهم
) .!
وأنا ما قلت لأهلي إنو سحبت ملفي إلا بعد سحب الملف .. انصدموا طبعا وخصام من هنا ومن هنا .. وخواليـ جو البيت - 5 ما شاء الله عليهم ما بين شهادات ماستر ودكتوراه - وباءات محاولات إقناعهم بإرجاعيـ للجامعه بالفشل .!
وقتها كانت التسجيل في البعثة مقفل .. وماليـ إلا إنيـ أقدم عن طريق الملحقية في بلد الدراسة وكنت محتار جامعه كامبردج أو جامعة إم آي تي في بوستن .. واخترت كامبردج لان الفيزا البريطانية أسرع ^_^
قعدت شهر تقريبا أجهز وأضبط .. وجبت قبول مشروط في الجامعه على شهر 9 - يعني بعد 7 شهور من ذاك الوقت - وكان القبول مطلوب فيه 6.5 في الآيلتس ( سويت اختبار مبدئي وجبت 5.5 ) .. يعني دراسة 6 شهور انجلش في بريطانيا راح أجيب الدرجة المطلوبة :)
قعدت 3 شهور في بريطانيا أدرس لغة .. ومن أولـ يوم حطيت رجليـ فيه في بريطانيا قدمت اوراقيـ للملحقية - وقالوا ترا سنة و4 شهور محد أخذ بعثه للتكدس - ..
وطبعا بعد الـ 3 شهور دراسة على حساب أهلي .. قالوا راح نرسل لك 90 ألف ريال قيمة دراسة أولـ سنة بالجامعه ( غير المصاريف والسكن ) ..
قلت أنا قاعد أضغط أهلي كذا .. وخفت بصراحة لا بعثة بتجي في بريطانيا ولا دراسة وأنا مرتاح ولا أهلي بيرتاحوا
رحت وسحبت فلوسي من المعهد الباقية 3 شهور وأولـ رحلة عالسعودية ..
جامعه الملك سعود ما رضيت ترجعنيـ .. وكان الخيار الثاني جامعه الملك عبدالعزيز وقلتني طبعا ولا ما كان شفتونيـ هنا ^_^
بديت الدراسة هنا من خطة ب وجبت معدل حلو .. والحمد لله إن شاء الله معدليـ مع الترم هذا راح يرتفع أكثر وراح أتخصص طب إن شاء الله ..
ولكن للأسف كل يوم يمر في دراستيـ أقعد أتحسر عالسنة اللي فاتتنيـ .. وأشوف طلاب وطالبات دفعتي في كلياتهم ويدخلوا يقدموا نصايح لنا - أقول في نفسي لو الظروف طبيعية كان مفروض أنا أشرح لكم المسائل المعقدة الحين
- ..
وإن شاء الله محد فيكم يجرب تأخير السنة لان محد يحسـ بمرارتها إلا مجرب .. والحمد لله صح إنيـ خسرت سنة ولكن كسبت كم صديق يعتبرون زي الأخوان بالنسبة ليا ^_^