[دحـggم]

وعليكم السلام ورحمة الله وبركاته

سؤالك الاول ، تخصص المحاسبة في الجامعة عندنا غالباً شامل كل شي .. فيه المالية و فيه الحكومية و فيه الزكوية و الضريبية و فيه المراجعة و أخيراً فيه فقة المعاملات < الخمس الاساسية ..

طبعاً تحت كل اسم اكثر من مادة ويمكن مادة وحده حسب وضع الخطة ، غالباً محا تتغير الخطة الجديدة ذي الا بعد مدة من الزمن

المحاسبة المالية : جميع مواد المحاسبة اللي بتدرسها باستثناء اللي ذُكرت اسماؤها فوق
المحاسبة الحكومية : مادة وحدة ومبدئياً انصحك تاخذها مع كوشك اذا كان موجود وقتها
الزكوية و الضريبة : كانت مادتين منفصله في الخطة القديمة وحالياً صارت مادة وحده في الخطة الجديدة
المراجعة : عبارة عن مادتين مراجعة 1 وهذه اساسية في الخطة و مراجعة 2 وهذه اختيارية في الخطة
فقه المعاملات : عبارة عن مادة اختيارية في الخطة الجديدة بينما كانت اساسية في الخطة القديمة

سؤالك الثاني ، أكيد و المحاسب مو شي سهل ، لا يغرّك الاسم تراك تسوي شغلات كبيرة و تُعتبر احد اساسات المنشأة أو الجهة اللي بتشتغل فيها ..
قد تسمع كلام تحطيم و انه المحاسبة محد معبرها وما الى ذلك ، تجاهله و توكل على الله اذا انك راغب في التخصص .. سوقك ماشي سواءاً في الوظائف الحكومية او الخاصة بإذن الله تعالى
طبعاً تبذل جهد و تثبت نفسك ، و لّا في كثير محاسبين غيرك

اذا تبغى تقدر تصير محاسب قانوني في الدولة مُعترف فيه و راتبك مبلغ و قدره ( يتعدى العشرين ألف ) شهرياً ^_* ، مجرد اختبار تقدم عليه و تختبره وهالشهادة تعادل الماستر في التخصص
تقدر تفتح بعدها مكتبك الخاص للمحاسبة القانونية وتسوي شغلك بنفسك .. بس مو بذيك السهوله تجيب هالشهادة .. تشد حيلك بقوه شوي وتدخل ذا الاختبار اللي هو عباره عن 5 اختبارات
اختبار في مواد المالية كاملة ، اختبار في مواد المراجعة ، اختبار في المحاسبة الحكومية ، اختبار في محاسبة فقه المعاملات ، واخيراً الأنظمة التجارية ( تقدر تطلع عليها في موقع socpa ) .. موقع هيئة المحاسبين القانونيين

و الرواتب تقدر تدخل على موقع وزارة الخدمة المدنيّة و تشوف سلم الرواتب و تعرف

ان شاء الله أكون أفدتك

موفق والجميع يارب