[الدُنيا مدرسة]

جابك الله .. إنت وينك من زمان ؟
جيت في وقتك .. ياغالي إشتقت لك !!

منت ضيف القلب يا راعي المكان
لك ضلوعي عرش ، وإجلس يا " ملك "

في غيابك .. غاب ويّاك الحنان !!
وفي حضورك ، قِمت أغنّي : كلّي لك

ياللي قربك لي يحسسني بـ أمان
ودّي .. طول العمر .. بس ، أقابلك ،

خِذهَا منّي كلمه وإحْسِبها ضَمان
فدوه لك ، عيني .. وقلبي ، فدوه لك

سَمَّه عِشْق كْبير أو سمَّه جِنان
الأهَم .... حبّيتِك ، أكثَر مِنْ : هَلِك ،

ما أخونك ياحبيبي .. مهما كان
ولو تفكّر في ( الخيانه ) ، أقتِلِك ..!

إهـــداء لإنسانه غاليه على قلبي ,, فاجأتني باتصال وانبسطت معاها كثييير
الله يديم صداقتنا على طاعته ويحفظ المعروف بيننا..
القصيدة للشاعر المبدع "أحـــمد آلصآنع"