[wardat]

المشاركة الأصلية كتبت بواسطة ويل اللي عشق له شمس جد الف شكر لك على ردك ووقتك و جهدك بكتابه الرد الله يسخرلك خلقه و كان قصدي بالمساعده الصحيه او مساعد تمريض اللي يكونوا درسوا سنه و نصف بعد الثانويه هذا مسامهم اذا ماكنت غلطانه بس استغربت ان مافي فرق بين الاخصائيه و الفني ؟ طبعا من ناحيه المهام ؟ و جا ببالي سؤال ثاني عادي المممرضه تختار مكانها بالعمل ؟ ان لو تبي تعمل بالطواريء او التنويم ؟ و لا كيف النظام ؟ و مره ثانيه شكرا

ايوة فهمت عشان كذا قلت الاخصائي (بكالوريوس) و الفنّي (دبلوم) نفس الشي في هذي المهمة، الي اعرفه اذا توظفتي باقسام التنويم بيقولون لك بيشنت رقم كذا معاكي و عاد انت راح تمسكيه (من إلى)......

اما من ناحية المهام الباقية بصراحة انا ما زلت طالبة ما عندي خلفية واسعة بعضهم يقولوا فيه فرق ، وبعضهم يقولوا مافي اختلاف كبير بينهم ، لكن غالبا المهمات الدقيقة والحساسة جدا بتكون من نصيب الاخصائي لانه اجدر و متعمق ، وماخذ مواد شاملة ماهي موجودة بالدبلوم مثل: علم الادوية بالتفصيل - تمريض نفسي وعقلي - علم الامراض - الرعاية الحرجة ..الخ يعني بتكون قدامك خيارات شمولية ما اقدر الخصها لك زي ما قالت كلامر .

لان اقسام المستشفى كثير و كل واحد له تفاصيل عمل يخص الممرض ومن ضمنها اقسام مغلقة يعمل فيها مع المرضى ما يشوف الحياة الخارجية ولا هم يشوفوه - عشان كذا تظهر لنا نظرة الناس السطحية الغلط لانهم ما يشوفون الا القطرة من المحيط ، وهذا يصعّب من ادراكهم وتصديقهم - . زي امثلة هذي الاقسام وحدة العناية الفائقة و قسم العناية التاجية واقسام غيرها
فطبيعي ان كل ما تعمقت الدراسة كل ماكانت المهام اكبر
ووزادت الحاجة لك مو مجرد في تقديم الرعاية الاكلينيكية

بالنسبة لاختيار القسم ...افتكر سألت كم موظفة اذا مسموح قالوا لا للاسف.. راح يحطوك حسب النقص عندهم
ممكن في حالة لو هم محتاجين مثلا بالطوارئ و محتاجين في الباطنية ممكن يخيروك بينهم لكن ما تقدري تختاري الي مكتفين فيه


اتذكري كمان انه من حظنا بجامعة عبد العزيز انه القسم الي ينزل المستشفى تدريب من اول سنة هو قسمنا ، ف تقدري تاخذي وقتك بمخالطة الموظفات وسؤالهم و تشوفي اذا جو التمريض يناسبك ولالا فماراح تتوهك اراء الناس لان قدامك فرصة التجربة بنفسك

معليش على التاخير
واذا فيه عندك سؤال كمان انا حاضرة ^_^