[القرطبي]

هذي مطالب العقلاء , وأحلام العضماء

الله يجزاك خير ياالسمي ويكثر من أمثالك
وتراني أرسلت لك اسمي ورقمي الجامعي وياليت الاخوان والاخوات يفعّلون الطلب هذا .

وعميد التعليم عن بعد الله يجزاه كل خير أعتقد إنه طلب يلتقي
مع ابنائه الطلبة عشان يسمع آرائهم حول التعليم عن بعد..؟
وما مستقبله..؟ وش الصعوبات اللي تواجهنا ؟
وش ينقص التعليم عن بعد ..؟؟ ..الخ
وهذا دليل على إهتمام المسؤلين الله يحفظهم على العلم و التعليم
وعلى رأسهم خادم الحرمين الشريفين الملك عبدالله بن عبدالعزيز
وأفعاله في هذا المجال أبلغ من الكلمات ..
باالمناسبة ..
التخصص هذا مفروض تطالب فيه وبقوة خواتنا الطالبات
لأنه يختص باالحقوق ولو تكتب بقوقل ( حقوق المرأة )
شف وش نتايج البحث .....
وبعدين الله سبحانه وتعالى جعل النساء رمز المستضعفين في الأرض
عشان كذا سميت سورة النساء بهذا الاسم
إضافة الى ان السورة تتحدث عن قضايا ومعاملات
تخص المرأة في الحياة العامة ..
يعني المساكين , والأيتام , والأرامل , والضعفاء برقبتك
وعشان تنتزعين حقوقهم إبدي بنفسك وخوذي حقوقك.

الظاهر اني شطحت عن الموضوع

يعطيك العافية أخوي فيصل ويالبتنا مانتأخر عشان
الموعد مع مدير التعليم الأسبوع هذا الظاهر
ونبي نكون جاهزين بإذن الله ..


شكرا للجميع