شرررح كافي ووافي الله يعطيك العافية ،، حبيت اعرف افضل المدرسين لكل مادة من ناحية إيصال المعلومة مو بدف ،
اغلب المواد يكون مدرسها واحد ونصيحة اجٍل السؤال لبداية الترم مع نزول الجداول عشان يكون اغلب الاعضاء موجودين ويعطونك تجاربهم ... وتستفيد اكثر
وكمان اغراض الرسم وكل شي من وين اجيبها ؟؟ وايش هياا ؟
اغراض الرسم بسيطة لا تكلف اقل من 500 ريال ( بورد لتثبيت اللوحات + فرجار + مثلثات +اقلام رصاص مقاسات مختلفة + مساطر مقاسات مختلفة ) وغالبا ما تلقاها في المكتبات الموجودة في حي الجامعة ولكن لا تقرب من مكتبة جرير لأنها غالية فلاء غير مبرر
والمنهج على كتب ولا فياشياء ظريفة ؟
غالبا تكون ملازم تباع في مكتبة يحددها الدكتور او من خلال كتابة الموجود في السبورة
وكم عدد ساعات السنة العامة ؟؟
مو مهم كم تخلص ساعة لكن لا يمكن تتخصص الا لمن تاخذ المواد التالية :
( ar190 اربع ساعات -ar191 اربع ساعات - la141 ثلاث ساعات - la121 ساعتين -ar210 ساعتين -urp130 ثلاث ساعات - la 222ساعتين )
خريج كلية تصاميم البيئة بتخصص العمارة ماهو المسمى الوظيفي مصمم إم مهندس ؟
من المعروف ان المتخرج من كلية تصاميم البيئة ككل المسمى الوظيفي مهندس لكن في وثيقة التخرج ( بكالوريوس عمارة - بكالوريوس جيوماتكس -بكالوريوس تخطيط حضري واقليمي - بكالوريوس عمارة بيئة )
الدراسة بتكون كلها انقلش ؟
تعتمد على الدكتور ... فدكاترة بالانجليزي واخرون بالعربي
والاختبارات دورية ولا كيف تنرصد الدرجات ؟؟
كمان حسب الدكتور ... لكن في الغالب ( دوريين ونهائي او ميدترم ونهائي )
سؤال شاطح ===Π مافي امل يطلعوا البيئة من اسم الكلية !؟؟ لأن كل ما اقول لأحد ينفجع ويقول أنتا في البيئة !؟؟؟
ههههههههههههه ... هذه مشكلة ازلية يعاني منها طلاب الكلية لعدم معرفة عامة الناس بالتخصص بإعتقادهم انه يتبع لكلية الزراعة او من هذا القبيل ...وما اعتقد انه في نية ول 1 % انهم يغيرو الاسم ... لكن بما انك مؤمن بقوة التخصص لا يهمك غالب الناس في انطباعهم للتخصص لأنهم لا يقدمون ولا يؤخرون ... عالعموم اواجه هذا السؤال غالبا بقولي ان الكلية كانت في ما مضى تحت مظلة كلية الهندسة بإسم مدرسة تصاميم البيئة وانفصلت قبل اعوام عنها بسبب توسع اقسام الكلية لعدد كبير يستعصى ان تكون لها ادارة واحدة
ونا احاول امدحها لكن ما دخلت مزاج احد ويفكروني صرت فاشل :( .
ومشكور اخوي روبوت وكثر الله من امثالك واعتذر لك على كثرة الاسئلة :)