[HU~]

كيفكم يا حلوين ~
أنا أختبرت اليوم و سوري دوبي أكتب تجربتي رجعت تعبانة و نمت .. بإختصار كان يوم ممتع الحمدلله :") لا تشيلوا همّ .. أول حاجة أنا صحيت متأخر ووصلت الجامعة و يادوب عرفت البوابة و الحمدلله لحقت انتبهوا و رحوا قبل موعدكم على الأقل بربع ساعة .. دخلت مبنى 8 ع الساعة 8 و شوية .. و مشيت ورا الأسهم و ريتهم بطاقتي الجامعية و ورقة الموعد و دخلنا قاعة فيها بروجكتر و جلسنا و عبّينا ورقة تكتبي فيها اسمك و رقمك الجامعي و مكتوب عليها رقم اللاب اللي حنختبر فيه و أنتظرنا شوية لين ما يكتمل العدد و بدأ البروجكتر يشرح آليات الإختبار و طريقة الحل و الخ .. و أنا قيدني عارفة دي المعلومات مسبقاً من هنا الله يجزاكم خير فما ارتبكت أو خفت كان الوضع عادي ! بعد ماخلص العرض تقريباً مدته 50 دقيقة ~ رحنا على اللاب اللي حنختبر فيه و جلست كل وحدة على جهاز كومبيوتر بسمّاعات .. و دخلّت البيانات و كدا و على فكرة لا تخافوا لو قطع النت عليكم وانتو بتحّلوا لأن الإختبار أون لاين ع النت مكان ماتوقفتي يمديكي تكمّلي و من الوقت اللي كنتِ فيه .. أنا وصلت تقريباً للسؤال الأربعين و تنّحت فيه فلمّا أخترت الإجابة و ضغطت نكست فصل النت! هنا قلت مستحيييل أعيد اللي راح بس الحمدلله رجعت لمكان ماكنت و كمّلت عادي ~ المهم الزبدة إنّه الإختبار كان مو صعب ولا سهل .. أول شي جانا إنّك تختاري الكلمة الصح المناسبة للجملة من خلال قياس مهارة القرامر عندك مافتكر ترتيب الأسئلة و بعدين أسئلة عن المفهوم الضمني اللي تفهميه من الجملة هنا يبغالكم تركيز مرة تحسّي كل الأجوبة صح أنا مرة تنّحت و بالذات إنّي رحت نعسانة ! و كمان في سؤال يجيبولكم قطعة و فيها فراغات تملي الفراغ بأي كلمة مناسبة و ترا الكلمات مرة سهلة
و بسيطة من حياتنا اليومية مو كلمات معقدة مثل :
the, with,enjoy,to الخ.. و الإستماع كان كمان حلو بس يبغالو تركيز مرّة
و بالذات إنّهم يتكلموا بسرعة .. الله يوفقكم يارب و أي استفسار أنا حاضرة ،
أدعولي أكون بالمستوى الثاني أو الثالث على الأقل !
* أحلى شي لمّا أخذونا جولة على الجامعة بسيارة القولف
حماااس و ربّي أبغا أداوم من بكرة ~