رد: بنااااات التمريض الحقووووني ..!!!
باذن الله تلاقوا كتير من التمريض
ولما تدخلوا الجامعة وتتعرفوا على بعض
أنا أول لما دخلت الجامعة ما كنت أعرف أحد بقسمي
لكن بعد شهر بالضبط , كوّنت صداقات من جد صداقات رائعة
ولله الحمد إلى الآن صداقتنا مستمرة
وتعرفي كيف نظرة الناس الى التمريض
فامكن عشانهم ما يبغوه , للأسف مكسوفين منه ! وما يرضوا يقولوا
مع انه المفروض لهم الفخر بيه والله
اتذكر بدفعة أولى تمريض 08
تقريبا عدد الطالبات كان أكثر من 80 بنت
وتعرفوا كم بنت قالت انها داخلة المجال هذا بإرادتها ؟
فقط 8 طالبات !
والباقي دخلوه على أساس التحويل منه بعد سنة
لكن بعد ما اتعرفوا عليه وشافوا قد ايش هو رائع ومو مثل ما يتكلموا عليه الناس
صارت نص الدفعة مقتنعة بالتمريض وحابته
وكم واحدة جابوا معدلات عالية أول سنة لكن ما حولوا من التمريض بعد محبتهم ليه
حتى أن الثانية على الدفعة وجايبة معدل مره عالي جلست وكملت في التمريض
وأعرف كذا بنت من التمريض , وصراحة مره رائعات وأفتخر بمعرفتهم ^^
"وعسى أن تكرهوا شيئا وهو خيرٌ لكم"
وبما أنكم استخرتوا ربنا قبل التخصص فمعناها أن الخير لكم في التخصص هذا
فأبدعوا فيه =)
|