^
شوفو ياحلوين معايا النول يجي خشب مربع على شكل اطار وطبعاهذا الشكل التقليدي
وممكن يستخدم في الرسم على الحرير يتثبت القماش عليه ..
وهذا الشكل الحديث تحت
هذا النول موجود في مكتبة الغمري بس المشط الموجود فيه بلاستيك وفيه حجمين على ماافتكر اللي كانت موجودة في حجم تقريبا زي اللي في الصورة هذه يمكن 40 سم.. وفيه حجم متر تقريبا في 50سم اذا موغلطانة لان في وحدة من صحباتي كانت تشتغل مشروعها عليه.
وبصراحة مااعرف عندكم خلفية عن استخدامه او لا
بس بشرح بسيط خفيف..اكيد تعرفو او مر عليكم "السدو"زمان يستخدم في عمل السجاد بالذات
هذا نفس الشيء لالا اقرب مثال لكم الاقمشة القديمة حقت بيوت الشعر اللي فيها مثلثات والوان احمر واسود واصفر ولو دققتو في الخيوط بتلقي خيط طالع وخيط نازل..
شوفو معايا الصورة هذه توضح حركة الخيوط اللي اقولكم عليها
في الاساس اصل النسيج "السدا" الخيط الطولي و"اللحمة"الخيط العرضي
في النول العادي ابو المسامير عشان بس اوضحلكم ليش النول الحديث اسهل شايفين المسامير تاخذ وقت على ماتثبتيها وتتاكدي من المسافات لان لو ماجات متساوية بيطلع النسيج شويا مومشدود وممكن تتباعد الخيوط معاكي بعد ماتشتغلي نص الشغل
انا برأيي صراحة المادة مادة نسيج يدوي ويمكن دخلتلكم الاستاذة وادتكم فكرة اكثر
بس انا اشوف الفلين والنول التقليدي صعب الشغل عليه هذا واحنا كنا بنات التخصص نشتغل عليه
يعني عشان توفري على نفسك هرجة طويلة عريضة مع النول انااشوف النول الحديث هذا اسهل لكم..
بس برضوا شوفو استاذتكم مااعرف ايش تبغى منكم بالضبط يمكن عندها فكرة معينة تسوو مثلا عينات صغيرة
بس انا اعرف وحدة من صحباتي اختها قسم فني في الجامعة استخدمت برضوا هذا النول في شغلها و مشروعها
انتو قولولها على النول هذا يمكن ماعندها فكرة عنه لان احنا استاذاتنا وهما حقون تخصص اشياء في السوق جديدة احنا نقولهم عليها مع انو من المفترض هما يعلمونا ^^
طولت كلام كثيييير معليييش :$
وعادي اي استفسار بخصوص المادة هذه ممكن افيدكم باللي اقدرعليه واعرفه
ووالله يوفقكم ويسهلكم دراستكم ويعينكم ^^