السَلام عليكُم ورحمَة الله وبَركاته ..
وعليكم السلام والرحمة
مَبروك لِكل مَن إنقبَل تمْريض ..
[ آنا ] عنَدي كـَم سُؤآل وآتمَنى تِفيدوني بإجآبتكم ..
1 - إيش هيَ درآسة التمَريض وشغلتهَا بالظبْط ..؟
التمريض ميزته إنه مجمع من كل فرع طبي شيء يعني حتدرسي كتيير أشياء مشتركة مع الطب وأشياء مع التغذية وكده يعتي من كل تخصص قطرة..(في سنة تانية) بس حتدرسي سايكولوجي وسوشيلوجي وقروث وهذه ما يأخده إلا التمريض على ما أعتقد ..
2- من السَاعه كَم لِكم هيَكون دوآم الدرآسه بكُلية التَمريض ..؟
من 8 إلى 2 غالباً وأحيانا إلى 3 حسب الجدول ياحلووة
3- رآح يُكون في دكاتره رجَال يدرسْو ..؟
في تانية لا , كلهم ستات
4- إيش هنَدرس بالظبْط فِي اللغَه العَربيه والدرآسات الاسَلاميه ..؟
في سنة تانية مافي لغة عربية بس ثقافة إسلامية حيكون مستويين مستوى في السمستر الأول ومستوى في السمستر التاني (المستوى الاول يبغالوا تشدي حيلك فيه لأنه يختص بالعقيدة وكده وهو شوية أصعب من المستوى التاني ,المستوى التاني الأغلي عن سيرة الرسول ,مواقفه,أخلاق الرسول)....
5- إيش اللِبس الرسَمي ..؟
الرسمي لاب كوت مع أي لبس ساتر وفي اللاب (المعمل) لازم لاب كوت وبنطلون ...
اللون الرسمي أبيض بس مو إلزامي إلافي المستشفى في الكلية مافي شيء محدد البسي على راحتك ...
6 - كَيف هيكَون الوضَع دآخل كُليه التَمريض هيكَون بطرحَه ..؟
لا ياقلبي في داخل الكلية خذي راحتك (بس في مباني فيها رجال الافضل تجيبي طرحتك متلا عند الكافتيريا في كلاس يعطوا فيه رجال(إن شاء الله تكوني فهمتي عليا:) ) الكافتيريا ماهي في مبنى التمريض في المبنى اللي قدامه (نسيت مبنى كم)
7 - مِتى نغًير البَطايق الجَامعيه مِن تحَضيري لِكليه التَمريض ..؟
حيخبروكم في الادارة
8 - فِي امَل احَول مِن تَمريض للمختبرآت مِن بَدايه السَنه ..؟
في سنتنا ..بداية السمستر الاول أخذوا البنات اللي نسبتهم عالية وحولهم الى الكلية اللي يبغوها (اعتقد المختبرات اخذوا من 4,30)
9 - إذا كَان الانجلِش عِندي متْوسط يحتَاج اخُد كورسْ ..؟
أنصحك خذي كورس مصطلحات طبية لانه هو اللي بيفيدك
معَليش \ طَولت عليكُم بالاسئِله
خذي راحتكـ ياقلبي وأي إستفسار لا يردك إلا الكيبورد
الله يعطيكُم العافيَه يآرب ..
ويعافيك ..
*
*
*
أعتذر ما انتبهت إنه في احد رد قبلي:) بس زيادة الخير خيرين...