وعليكم السلام اخت ريم
مبرووك قبولك في كليتنا نورتينا 😍😂
بالنسبة للجدول انا في اول ترم ليا اخذت 5 مواد بس ندمت لاني صرت متاخرة عن خطتي بمادة وحدة ، فكذا حيكون اخر سنة ليا بالجامعة اخذ 7 مواد كل ترم ( لان الترم الاخير في الخطة الدراسية اصلا فيه 7 مواد ) او اني اخذ صيفي واخفف على نفسي .
فنصيحة لكِ خليكِ ماشية على الخطة 6 مواد وتراه مو ضغط الحمدلله فلا تخافي 🤓❤.
والشئ الثاني لا تاخذي مادتين دين في نفس الترم ( أحوال شخصية - أصول فقه ) لانه امكن تتلخبطي او يصير عندك ضغط في هاذي المادتين ، فالافضل تاخذي كل وحدة في ترم عشان تقدري تركزي عليها تمام .
وبدال مادة الدين الثانية نزلي قانون تجاري لانه مايحتاج متطلب فتقدري تنزليه في الترم الاول .
وبالنسبة للمادة الاختيارية انا مااخذت غير وحدة الي هيا ( النظام السياسي السعودي ) وصراحة ماانصح فيها مع الاستاذة سالي البار 💔، واخذت مادة حرة ( السيرة النبوية ) مع الدكتورة فوزية الشمري وكانت المادة مُتعبة من ناحية المذاكرة لان كل شي كان معانا 🚶🏻.
أتمنى إني افدتك ولو بشئ بسيط واسفة على الإطالة بس حبيت أبين لك كل شي 😅😂 ، واذا عندك اي استفسار انا حاضرة 💜.