السلام عليكم ورحمه الله وبركاته
اول شيء اشكر الاخ عماد على اهتمامه وجميع الاخوات واسأل الله لنا جميعااا القبول في الدنيا والاخره
اول شيء بذكر نقطه مهمه وكل واحد مهما تكلم تبقى وجهه نظر بالنسبه له ووجهات النظر تختلف
انا اول شيء بتكلم عن الدبلوم بصرااحه المفروض يكون مجانا اول شيء مو الكل يقدر يدفع الرسوم والله استحي اطلب من الوالد 8000 وعلى دبلوم حرام ويش ذنبه وانا توني متخرجه من وين اجيب 50 ريال فما بالكم ب 8000 واستحي اطلب من اهلي خصوصا مع المصاريف حقت رمضان والعيد
وثاني شيء هو مهم والله ياناس اتصلت على مدارس اهليه وللأسف حتى هم ماقول الكل لكن البعض يشترط الدبلوم وايضا مهم حتى في الوظائف الحكوميه ليش الرسوم لو ماجستير صح لكن دبلوم كله مواد تربويه اتمنى النظر في الرسوم واعداد المقبولين لانه مهم
والله انا من دفعه 08 واتوقع كل وحده من هذه الدفعه حست بالظلم بعد مادخلنا على انه تربوي تفاجأنا بتغير النظام والله والله معدلي في الثانويه كان 96ونص وما اخترت الكليه الا عشان التربوي وبالنهايه ما اخذته جيت بعوضه اشترطوا القدرات كل يوم كنا نسأل ويقول خلاص راح عليكم التقديم كان شهر سته وبالصدفه وانا اتجول في المنتدى اكتشفت انه باقي سجلت احتياط قبل 3 ايام ذاكرت فيها اللي اقدر عليه مع التوتر وجبت 70 مرره تحطمت لان معدلي الحمدلله عالي يعني بديهي لو درينا ابكر شوي كان بإذن الله جبنا درجه اعلى صح دريت ان القدرات انفتح بس ابدا ماكنت حاطه في الحسبان انه شرط للدبلوم وهذا بسبب تغير الانظمه كل شوي
انا والله صح فرحت لانه اتلغى القدرات وهذا بديهي لان درجتي اترفعت لكن والله زيكم مقهوره انه ليه اللعب هذا يكفي انهم لعبوا باعصابنا بس وغيري ذاكر كثييير وتعب كنا نتمنى تكون الشروط واضحه من البدايه
انا من اقتراحي انا يتلغي شرط القدرات للدبلوم ويوضع للماجستير وغيرها لان الدبلوم مهم مهم الطالبات اللي يتخرجون من قسم الادبي عشان تاخذ دبلوم تظطر تجتازه وهي لها كم سنه بعيييده عن الحساب والدبلوم مههههمممم حرام يروح عليها لانه من رأي الصراحه الشهاده الان بالنسبه لي مالها اي داعي بدون دبلوم مارح اتوظف الا اداريه او في رياض اطفال وهذا والله لايرضي الله ولا رسوله تعب السنين يروح كذا
وايضا تقبل جميع المتقدمات عليه لو مافي مكان يتسع لهم خصصوا لهم مبنى او دوام مسائي ماعندنا اي مانع احنا مادرسنا الا نبغى نتوظف بعدين ارفقوا علينا يعني خلو شده الاعصاب وحرقتها يوم نبحث على وظائف تعرفون ان الوظيفه ماتجي بسهوله
انا والله والله طموحي كان اقدم على معيده لكن بسبب اختبار الاستيب اجلته لان ماعندي اي ثقافه صراحه في الانجليزي وعارفه اني مستحيل اجتازه بدون مذاكره عشان كذا توجهت للدبلوم اذا برضو مانقبلت صراحه بيكون اكبر احباااااااااااااااط لي
ارحمونااا لدينا طموحاااات نبغى نحققها ماطلبنا منكم شيء غير انكم توفرون لنا فرصه ندرس ونكمل مشوارنا