[Nola 7]

السلام عليكم ..


انا عندي مشكلة مع الرياضيات 110 ماني عارفة كيف ومن فين اذاكره؟
حفظت ابندكس d صم وحليت وورك شوب حمزة ابو جبل وحليتها كلها صح رجعت للقوانين اللي في اخر الكتاب واتأكدت
بس لما بدأنا ندخل في شابتر 1 ونحل اسئلة نهاية كل قسم اوكي افهمها تمام لانها مشروحة بس الوورك شوب والتست بانك من فين اجيب الحل ؟ انا احل بنفسي بس ماني متأكدة لانو مالقيت الحل دورت كثييير في النت تختلف الصيغ وحسيت اني ضعت زيادة ..
لا تقولو ارجعي لأستاذتك استاذتنا بتشرح غلط وتسألنا كيف الحل ووقت المحاضرة بيضيع يعني مانستفيد ولا شي معاها ..
لما احل صح احس اني فهمت الرياضيات وانها مادة حلوه وحجيب a بلس ولما احل ويطلع الناتج غلط اتحطم مرررا واشيل اهم كيف ححلو لو جاني خصوصا انو اسألة الجامعة زي كدا تكون ومافي وقت لازم احل بسرعة في الاختبار ..
والميد الاول باقي له اسبوع تقريبا ماني عارفة كيف ادخل وايش ايش اذاكر من عند مين وملخصات مين وتست بانك مين وايت فيهم اللي حيجي نفسها في الاختبار ! ابغى شرح واسئلة محلوولة ضروري تكون محلولة ومشروح الحل كمان لأنه دكتورتنا مابتشرح

الله يسعدكم اللي درس المادة دي قبل كدا وفاهم وفيها وجاب درجات عالية يقلي كيف ومن فين ذاكر ؟
ابو جبل
ولا السعدي
ولا زويل وبركات
انا متشتتة

ما ابغى انجح وبس ابغى اجيب a بلس ان شاء الله.