[شمعة الجامعة]

صباح السعادة والمسرات اختي
ربي يحفظلك بنتك ويرزقك برها ..
بنتك وحيدة ؟ او عندك طفل رضيع ؟
اذا انت دايما في البيت وهي معاك ..يعني ماتختلط باطفال اخرين
طبيعي بتلتصق فيك وتبغاك انت صديقتها تلعبي معاها
حاولي تقسمي الوقت وتنظميه باشياء مفيدة ومتنوعة عشان ما تمل من الروتين
شغلي لها قران تسمع ، ومرة تسمع منك ، ومرة تردد خلفك ، مرة تسجلي صوتها ،.حطيلها نجمة لانها حفظت سورة او اية
شجعيها .. خليها تشوفك وانت تقراي ومرة وانت ماسكة المصحف ومرة تسمعي ..هي تلقائيا حتحب القران ،،لا تغصبيها ،، عامليها بالتحبيب والتعزيز ..
ولا تطولي ..يكفي خمس دقايق ..

بعدها خليها تلعب .. جيبيلها العاب اداكية تجيك خشبية تلاقيها في محلات الالعاب
تتعلم منها التطابق والاشكال والالوان وتفيدها في التازر البصري وتقوي عضلات اصابعها ويدها
ممكن تجيبي الوان في البيت ومكررة ،، حطي ورقة صفراء وحمراء وخضراء ... براحتك اي لون
واطلبي منها تصنف الالوان تحط كل لون احمر مثلا عند الورقة الحمراء واصفر عند الصفراء وهكذا ..

في البيت كمان تقدري تفكري بالعاب تعليمية من خامات بسيطة جدا ،، شوفي وابحثي في النت
برامج التلفزيون خليها تشوف المفيد ..لا تتركيها تتفرج لوحدها قناة انت مو واثقة منها
ولا تخليها تزيد عن ساعة في نفس الوقت عشان ما تتاثر عينها وكمان عقلها وكمان ماتمل

جيبيلها قصص حجم كبير وكلماتها واضحة قليلة ومفيدة تربوية
وانت اقرايها لها ..
واذا طلبت تقرايها مرة ثانية في نفس الوقت او فترة ثانية اقرايها ،،،، وبنفس قراءتك الاولى لا تغيري خليك ثابتة وصادقة وحتى لو احد ثاني طلبته يقراها المفترض نفس القصة ما تزودي وتنقصي ،،،، لان في الاساس بتكون تربوية وكمان هي حتتعلم القراءة وحتعرف اذا كنت قلتيها صح او خطا وكمان ممكن غيرك يحكيها خالتها او اي احد فحتتشتت ..

حطيلها صور قصيها من مجلة او اشتري من المكتبة صور متنوعة
حطي لها مثلا خمس صور .. تفاحة ، حديقة ، بنت ، موية ، شجرة
خليها تالف قصة واسمعيها وممكن ترتب احداث القصة

اساليها اسالة مثلا ايش تسوي لو حصل كذا ؟ ..انت ابدعي في الاسئلة حسب عمرها وحسب بيئتها
مثلا سؤال : ايش تسوي لو ضعتي في السوق ؟
واساليها اسئلة ماذا لو ؟
مثلا : ماذا لو ان الصابونة بحجم الباب ؟ نوعي الاسئلة بحيث تكون مرات مضحكة ومرات تفكر وتعصف ذهنها..

في عجينة تلاقيها جاهزة ملونة شكلها زي الاسطوانات في علبه ومعاها اشكال قوالب وفرادة وعجلة
حطيلها سفرة في طاولة وخليها تفرد وتقطع وتشكل ..

جيبيلها الوان طباعة .. محببة اكثر من الخشبية والمائية
بس وفريلها ورق مقاس كبير a3 اذا خايفة توسخ المكان
انت سوي الوان .. اخلطي فيري كمية قليلة مع ملعقة صغيرة لون .. تنباع الالوان بودرة وسايلة في المراكز التجارية ويستخدموها للاكل .. هذه باذن الله تروح من الملابس وجربي انت قبل ..


هذا اللي جاء في بالي الان .. يارب يفيدك
والله يحميها ..