[M7mmd.Y]

المشاركة الأصلية كتبت بواسطة super genius طيب 50 ساعة مش كثير ؟ يعني مش بعد ثاني سنة ولا كيف

50 ساعة مواد من الخطة الجديدة + الساعات الموجودة عندك

يعني انتا دحين طالع من التحضيري بـ 23 - 27 ساعة خلاص

وتاخذ مواد الخطة .. وما تضغط نفسك بتلاقي نفس لما تخلص اول ترم بإذن الله

بقيلك 10 - 9 ساعات على الـ 50 ساعة عشان تتخصص

فتاخذ الترم الثاني وتخلص رح تلاقي ان عندك ساعات اكثر من اللي هم طالبينه

2- لغتي الانجليزية مش ولابد مهي سيئة تماما لكن على قد التعليم اللي عطونا اياه يعني بتقدير 50% مثلا كيف الوضع راح يكون ما دام الشرح بالانجلزية للمشاريع ؟!

اقولها - وللأسف - انك بأنجليزي شبه معدوم تقدر تمشي في الهندسة بالراحة

يعني لا تخاف مو مرة معقدة وكمان هذا مستوى اغلب الطلاب .. ما رح تلاقي الا قليل

اللي الـ انجليزي حقهم تمام, وبعد ما تاخذ مواد زي البحث والتصميم لغتك بتصير احسن

بكثير .. وانتا بنفسك رح تحس بالشي دا =)

3- كم المعدلات الطيبة 4 تعتبر كويسة ولا صعبة المنال ولا مستوى تعبان

زي ما قلت في الموضوع انك تتخرج بمعدل 3 من الهندسة.. ممكن ما تجيك الوظيفة علطول

لكن بإذن الله تتوظف وظيفة حلوة .. وتراك مهندس في الأخير =)

من 3.5 تكون مرغوب اكثر عن الشركات وتلاقي وظائف كثير وحلوة مرة

عاد لو فوق يكون احسن واحسن .. يعني من 3.5 وفوق فـ انتا إن شاء الله تمام

بس برضو شد حيلك انك ترفعه فووق كمان .. حاول ما يقل عن 4 =)

4- هل طول السنة ضغط و كرف وما فيه وقت تحك راسك خاصة اذا كنت ناوي تجيب معدل طيب ولا كيف الوضع من ناحية الضغط

لأ, الكرف يجي في اوقات معينة زي اواخر المواد , لما يكون عندك مواد فيها مشاريع وشغل

واختبارات من جهة ثانية,

من ناحيتي كنت منزل جدول كرف الترم الماضي وصراحة كان فيه اوقات كثير كنت فاضي

بس فضاوة تختلف عن فضاوة يعني مو طول اليوم

نصيحتي انك تعطي المذاكرة الأولولية خصوصا اول خطة لأن معدلك دحين

سهل انه يتحرك يا اما ينزل ولا يطلع

لكن فيما بعد بيكون عندك عدد ساعات كثير .. وبيتحرك المعدل ببطئ

5- الدوام هل على قد عدد الساعات مثلا 15 ساعة 15 ساعة دوام ولا زي التحضيري الفعلي شي و اللي ينحسب شي الله يستر و ييسر

المعامل مثلا ينكتبلك ساعة وهي اصلا محاضرة 3 ساعات مرة في الاسبوع

لكن يخرجوكم قبلها يعني ممكن 1 ونص ..

فيه مواد لها توتوريال ,, هذي شي ثاني تلاقيه محطوط في الجدول ..

محاضرة زيادة لو الدكتور يبغاها ولو يبغا يكنسلها

اول ترم لا تكرف نفسك بـ 15 ساعة, خليك 13 مثلا ... احسن لك

بالتوفيق لك =)