[الدُنيا مدرسة]

كانك تظن اني لغيرك ابشتاق..
.......... طمن خفوقك... شوقي للناس عادي



اقدر اعيش بدونهم رغم الاشواق..
.......... واقدر اسلي عن غلاهم فؤادي..



اللي كرمني بالمحبه من اعماق..
.......... ارد له ضعف المحبة بودادي..



واللي سلا عني وملّاني افراق..
.......... له مثل صداته وفرقاه عادي..



انت الوحيد اللي أحبك من أعماق
.......... قلبي .. وحبي صار لك بازديادي. .



انت الوحيد اللي لك الشوق دفاق..
.......... مهما وصفته م وصلت لمرادي ..



أنا فدا همك وقلبك إذا ضاق..
.......... انا فدا دمعك وليل السهادي..

أنا .. أحبك.. حيل.. وبجنون مشتاق..
.......... شوقي لك لحاله.. وهم شوق عادي



بقلمي: الدُنيا مدرسة
أرجو أن ترقى لذائقتكم ,,
دمتم بود ~



’,
’,

.