والله مررررررررا شكرا الف شكر اختي aws1111 عالمعلومات القيمة الي زكرتيها .. اول كنت احسب مرا صعب التسجيل الاقيه جدا سهل الحمدلله .. طيب دحين هيكون المبلغ للترمين 10000ألاف صح ..يعني ترم 5ألاف والترم التاني زيو .. طيب اهم سؤال عندي هل مؤكد انو الجامعة العربية المفتوحة معتمدة من قبل وزارة التعليم العالي و الخدمة المدنية اعتماد مؤكد واكيد 100% .. يعني اذا حابة اكمل بعدو ماستر في عزوز هل يقبلوا شهادة الدبلوم من الجامعة العربية المفتوحة ويعتمدوها ؟؟؟ وهل اذا حابه اتوظف وقدمت في الخدمة المدنية وحطيت شهادة الدبلوم من الجامعة العربية المفتوحة يعتمدوها ويقبلوها واقدر اتوظف بيلو ؟؟لانو دي الاسئلة الي مسببتلي ازمة نفسية كل شوية افكر .. شكلو هيجيلي هوس ههههههههههههه ^____^
على فكرة أختي aws1111
حبيت اقولك انو انا اتصلت على كلية دار الحكمة وسألتهم عن دبلوم التربية الخاصة مسار صعوبات التعلم .. قالولي انو الاسبوع الجاي اخر يوم للتسجيل في دا البرنامج .. ومدة الدراسة 3أترام .. والمبلغ الاجمالي للدراسة في دا البرنامج 27ألف .. تدفعي اول شيء 1000ريال الاسبوع الجاي عشان تحجزي مقعد عندهم .. وبعدين يسير كل بداية ترم تدفعي زي : 11ألف ترم اول و 11ألف ترم تاني وبعدين 5ألاف الترم التالت والي هوا تطبيق عملي .. يعني الترم الاول والتاني دراسة فقط اما الترم الثالث تطبيق عملي في مدارس .. والبرنامج دا مؤكد اعتماده من قبل وزارة التعليم العالي والخدمة المدنية .. ولو حابين تتأكدوا تقدروا تتصلوا على دار الحكمة وتسألوهم للتأكيد والمصداقية ^_____^ والي عندها خبر غير دا تطرحوا هنا وان شاءالله بكدا نقدر نفيد بعضنا يارب
طيب سؤالي المهم مهم مهم جدااااااا ... هل دبلوم تربية خاصة مسار صعوبات تعلم تفيدني .. طيب وهل تفيدني في تخصصي ولا لا .. يعني سمعت البعض يقول انو دا البرنامج يناسب تخصص الرياضيات ولغة عربية .. طيب ونحنا كيف يناسب تخصصنا ولا لا .. يعني اذا سجلت فيه هل يفيدني تأكيد ولا لا مع العلم بأن تخصصي دراسات اسلامية .. وهل لدا الدبلوم مستقبل ولا لا .. يعني لو حابه اكمل ماستر في عزوز راح يقبلوا شهادة دبلوم التربية الخاصة مسار صعوبات تعلم من دار الحكمة ويعتمدوها ولا لا واذا لا اعطونا الجواب الشافي ^__^ .. طيب نفس المسج لو ابغى اتوظف ورحت قدمت في الخدمة المدنية فهل الخدمة المدنية راح توافق وتعتمد شهادتي و اتوظف ولا لا ؟؟
أتمنى تجاوبوني الله يسعدكم
الله يسعدكم ممكن تجاوبوني عن الفقرتين كلها وماابغاكم تسيبو ولا حبو
والله مرا محتارو