شوفوا البلوى الي انا فيها وقولوا لي رايكم بسرعه
السلام عليكم ورحمة الله وبركاته
يارب شنو اقول لكم
موضوعي عن نظام التعليم عن بعد
سجلت فيه وبعدها ماعرفت النتيجه لان اصلا الموقع خرب من عندهم وظل اسبوع وبعدها قفلت الجامعه لات كان برمضان
ومع محاولات الاتصال وارسال الايميلات مالقيت منهم رد الا بعد العيد بيومين يمكن والاكثر من كذا انهم مافادوني بشئ ابدا وقالت لي اتصلي على السنترال نحن خدمة الطالبات عن بعد بعد القبول
وسلمت امري الى الله واتصلت لهم وماحد يرد علي بعدها ردت علي وقالوا لي صح كلامك الموقع خرب بعدها لكن من الافضل انك تجي شخصيا لان اسمك لازال موجود وقلت لها انا خايفه كثيرا من عدم القبول
ولكن ماكان في موعد للذهاب لهم فارسلت قبلها ايميل الى المسؤوله وردت علي بعد يوم وقالت لي ارسلي رقمك الجامعي وغيره
قلت لها السالفه من البدايه فقط كان تسجيل ما دفعت ولاشئ ولا سجلت رغبات ولاجاتني مسج على ايميل او جوال والله تعبت من كثر مااقول السالفه واليوم وصلتني رساله منها ..
وهي التاليه انا اكتئبت وجاني احباط وهم وكسر في القلب وحزن عميق جدا جدا
كانت فرصه اكمل فيها دراستي لكن اذا الله ماكتب لي خلاص
هذه الرساله ..
للأسف عزيزتي لم يتم قبولك لعدم استيفاء إجراءات القبول، فالتسجيل عبر الإنترنت لا يعتبر إلا تسجيل بيانات ولا يعتمد كتسجيل إلا بعد تسليم الأوراق لعمادة القبول والتسجيل ومن ثم دفع الرسوم في البنك، علماً بأن جميع من سجلن تم قبولهن والقبول كان فورياً. تمنياتي لك بالتوفيق والمحاولة في العام القادم إن شاء الله
المصيبه ان بعد التسجيل موقعكم خرب وبعدها تقفل لرمضان والعيد وللتو فتحتوا ..
شنو اعمل الحين
هل ذهابي لهم يكون حل اخر !!
هل ذهابي لهم مثل عدمه ولااخرج بنتيجه !!
افيدوني ..
ماذا اعمل الان ..
كل الابواب تقفلت في وجهي الا بابك ياربي ..
اعني على امري ياربي
|