[Dr~NanoOok]

المشاركة الأصلية كتبت بواسطة ريال سعودي الف شكر د. نانوك .. سؤال اخر اذا تكرمتي .. تعقيبا على الكلام الي ذكرتيه طيب ايش الأفضل للسن المسوس القريب من العصب هل نشيل العصب ولا نحط علاج موضعي لها ؟؟

علاج العصب يحتاج أشياء كثير.. وشطارة في الدكتور عشان لا يرجع يعمل مشاكل للسنّة وما حولها
يحتاج شيل العصب الميت .. وتنضيف المكان.. ووضع مادة بديلة و اعادة بناء للسنّة وشغل طويل

لكن العلاج العادي بالحشوات أسهل بكثير .. وأوفر ماديا كمان

وما نعمل علاج عصب إلا اذا نفس العصب مات أو أصيب
لكن حتى لو بقي مسافة 1 ملم وماوصل إلى العصب.. فنحافظ عليه سليم
لأنه مافي أي مادة تكون بنفس جودة صنع الخالق ومادة الأسنان الطبيعية

وايش الأضرار الي ممكن تصير لو شلنا العصب ؟؟ وليش الدكاترة يرفضو يشيلو العصب اذا كان الشخص صغير ( يعني عمره اقل من 6 سنوات ) ؟؟

حتعتبر السنة ميته من الداخل.. ومافي أي غذاء يوصلها
لكن هذا الشي ما راح يؤثر على ارتباط السنّة بالأربطة اللي حولها
لكن لازم نعمل علاج عصب ونعوّض الفراغ اللي تركه العصب بمواد أسنانية خاصية

وعلاج العصب ياخد وقت وخطوات كثيرة
فاذا كانت الأسنان لبنية أو قابله للخلع .. يصير مافي فايدة من علاجها والتعب فيها وبالأخير حنخسرها


وياهلا بكل استفساراتك