[جوريه حربيه]

المشاركة الأصلية كتبت بواسطة قلب من ورق السلاام علييككم ازييكك؟؟ انا ابغاا اسألك كيف تستعملينها لأنها عندي و استعملتها مرره وحدده و قطعت شعري و عورتني ماعرففت استعملهاا الله يسسعددكك اذا ماعليك كلاافه ممكن تشرحي لي كيف تستخدميها وشكرا مقدماا

وعليكم السلام ورحمة الله وبركاته .,.
اهلين يا قمر .,.
اذا شعركـ ناعم ودهني مثلي مايحتاج استشوار بعد الشور احطها وبس ينشف انزلها بس للاسف ساعتين ويعود الشعر اذا شعركـ من النوع العادي راح يكون تمام لنهايه السهره
الطريقه بعد ما تشبكي القطعتين تبع سناره الشعر تحطي اللفايف داخلها وتسحبي خصل صغيره
وبعدها اسحبي السناره وهكذا .,. لما تنزليها تفرديها وتسحبيها وسلامتكـ
اذا ما وضح الوصف اكتبي في اليوتيوب لفايف الكيرلي .,.وشوفي الطريقه
للاسف ما اقدر احط المقطع لان فيه صور نسائيه وهذا مخالف لقوانين المنتدى ><

المشاركة الأصلية كتبت بواسطة i still feel ya وااااو.. اغلب الكلام عن الشعر الويفي.. كم اتمني يمسك في شعري بس للاسف جربت كل الطرق وفي الاخر قبل لا اطلع من مكاني يسيح شعري زي الايسكريم.. بالنسبه لتجربتي ف هيا لاعادة تغذية الشعر .. المشاكل اللي كانت عندي.. القشره< بما انو شعري دهني جداّ تساقط غزير + انو بيطول ع اقل اقل من مهلو .. طبعا قبل اي تريتمنت للشعر لازم نعمل تحاليل فقر دم.. هرمونات..و وظائف الكبد لأنو في حال انو واحد منهم ملخبط او فيلو نقص كل التريتمنت هيطير في الهوا وما هتستفيدو منو قد انمله واهم شي التغذيه الصحيحه والفايتمنز من مصادرها الطبيعيه / / انا ابتديت التريتمنت دا تقريبا في رمضان ولساتني مستمره هو الافظل من شهرين الي 4 شهور بما انو البوكس بيكفي لشهرين....هو بيوقف تساقط الشعر و بيطول الشعر لأنو بيشتغل ع الاناجين اللي بيطول الشعر.. اللي اتحسن انو القشره الحمدالله اختفت << نسيت انبهكم انو اول شي لازم نعالج القشره قبل لانبدء في التريتمنت ممكن نبدء قبلو باسبوع نستمع شامبو طبي وهيا كدا كدا في خلال اسبوع لاسبوعين تختفي..بس هيا اول مسبب لتساقط الشعر.. كمان خف التساقط 70%.. بالنسبه للطول هو المفروض بعد 3 شهور تبدئو تلاحظو مانبت للشعر الجديد بس بما انو لساتني ما ابتديت في الشهر التالت ف لسا مالاحظت الشي دا.. / / كمانا انا استعملت معاه البيو ديرما..مرا كل اسبوع.. عشان انو تساعدنا انو تتفتح المسامات لانو زي ما قلتلكم شعري دهني لدرجه تموت لازم كل يوم شور بشامبو طبي واساسا تاني يوم بيبدا يزيت بشكل غريب كانو عاملتلو حمام زيت... اتمنا تفيدكم تجربتي..و اللي حاب ياخد معلومات اكتر عن اي المنتجين دول ممكن يقوقولهم

يعطيكـ العافيه يا عسل ممكن اعرف عند اي عياده تراجعي؟؟ اذا انتي من جده لو بالخاص
لان مشكلتي نفس مشكلتكـ بس انا ماشاء الله طويل بس اصبح قليل من كم شهر وحابه اعالجه
وما احب اخذ اي فيتامينات بدون استشاره طبيه .,. ومشكوره مقدماً ^^