السلام عليكم ورحمة الله وبركاته
كيف حالكم ، عساكم بألف خير وعافية
إجازة سعيدة للجميع ، ومبارك للجميع ، والعقبى لكم بالتخرج والوظائف اللي تبرد قلوبكم
المهم الحاصل هنا إني حبيت أجمع كم خبرة منكم عن استراحات جدة الجميلة
القصة ومافيها إني ما أعرف أي استراحة عائلية تكون متسعة لعائلة تتكون حول عشرة أشخاص
وطبعًا لاتستغربون إني ما أعرف استراحات صغيرة وعلى قد العائلة فقط
لأن الأهل الله يصلحهم من سنين كل عيد يتفقون يستأجرون استراحة ثم كلام الليل يمحوه النهار
الاستراحة : حبذا تكون نظيييييفة + بها مسبح يرد الروح + مسطحات خضراء
تكون بحدود 400 لليوم ، ولو به استراحة عليها عرض خاص لمدة أسبوع بتكون عزّ الطلب
ثم استشارة على الطاير
وش أحسن استراحة لمدة أسبوع ، أو تخييم لمدة أسبوع بالطائف
وللعلم مالي أي تجربة سابقة لا بالاستراحات ولا بالتخييم
فالله الله بالمشورة الزينة
الغرض من هذا كله ودي أغيّر جو للعائلة لأن الوالدة تمر بظروف نفسية سيئة وودنا نخرّجها من جو الكآبة اللي هي فيه
والسلام عليكم ورحمة الله