ما أبغى أحبطكم بس جبت لكم المعلومة الأكيدة ( من مصادري الموثوقة ) إنو بعد التخرج تتعين درجة صيدلي ع المستوى الأول الدرجة الأولى.
تبغى تصير صيدلي أول كمل فيلوشيب في أحد التخصصات المتاحة في هالمجال لمدة سنتين ( وأفضلها الصيدلة السريرية لأنها تطبيق سريري ) لمدة سنتين هنا بالسعودية وتسمى وقتها أخصائي بس قبلها راح تختبر إنجلش واختبار صيدلة شامل من هيئة التخصصات الطبية وشهادتها معترف فيها دولياً.
تبغى تصير صيدلي استشاري كمل اسبيشلتي فيلوشيب لمدة سنتين أو 3 في أحد التخصصات الدقيقة زي ( الأمراض المعدية، والقلب والشرايين والرئة ) ووقتها راح تتعادل بالدكتوراه.
بالنسبة للـ pharmd هذي شهادة أمريكية وعندنا مالها أي وجود بالنسبة للسلم يعني في السعودية تبلها وتشرب مويتها هههههههههههههههههـ واعتبر نفسك ماخذ باكلوريوس، وترى حقون الباكلوريوس برضو يقدرون يكملون زينا وبنفس الطريقة.
الفرق الوحيد الـ pharmd تركيزها ع الكلينكل كثير فتعطيك اختصار للوقت بالنسبة للباكلورويس لأنهم بيدرسوا علوم أساسية واحتكاكهم بالكلينكل قليل.
لكم المايك =d
|
ياولدي اولا رزدنس مو فلوشيب :)
انا حكيتكم القصة من زماااااان حقت الرزدنس
دحين انا اخدت وثيقتي الحمدالله وتخصصي دكتور صيدلي
في هيئة التخصصات انا صيدلي مليون مرا قولتلكم الكلام دا وطبعا ما في اختبار
في رزدنس في السعودية وفي برا
في السعودية مدة سنتين وتتخرج عام
في امريكا سنتين سنة عام وسنة تخصص
التخصص في امريكا لازم تنقبل في احدى الجامعات الامريكة وفي امعتين مسوين شراكة مع كليتنا ناخد فيها بعض الكورسات الي مو موجودة عندنا ولازم نختبر اختبار الفبجي ونعادل سنة الامتياز
الجامعه الاولى بوسطن ماستشوسس وتاخد سنتين والتانية في توسان اريزونا سنة ونص
بعدها الرزدنس الي سنة عامة وسنة تخصص
لو واحد اخد رزدنس هنا لازم عشان يكمل في امريكا يدخل اختبار المعادله
هادي معلومات موثقه من المبتعثين لامريكااا :)
الفلوشيب موضوع تاني تماما وممكن الواحد ياخدو في فترة الرزدنس زي ما سمعت من دكتور الاهدل