[Dr~NanoOok]

يسلملي قلبك على كلامك اللي زي العسل ^_^

وباذن الله حتكوني طبيبة رائعة وليها بصمتها..
وأهم شي القناعة.. وكله يجي من بعده باذن الله

لأنه لو جا أحد أبدا مو مقتنع بالتخصص.. فمهما حاول وقري وعاش في الأسنان
فأكيد ما حيحبه !
لأنه أكيد ما يقدر يغصب نفسه على شي ما يميل ليه !

وللاسف عشان كده تلاقي الناس بعد ما يدرسوا سنتين أو ثلاثة سنين..
يحولوا من بعدها إلى قسم تاني !

والحلو بالنسبة ليكم هو وجود السنة التحضيرية اللي اعطتكم فرصة أكبر للتعرف على الأقسام
=)

وفعلآ تعلقت فيه أنآ.. على الرغمـ من استيآء بعض اللي حولي, انه تخصص مقرف بعض الشي وروتيني من الدرجة الأولى لكن اقتنعت فيه وحبيته,, وبإذن حـ نطّلع أكثر وأكثر على أقسآمه وكل اللي يخصه , عشآن أعرف أرد ع اللي يتكلمـ عن تخصصي بالسوء

أنا من المحبين للدفاع عن تخصصي وبقوة ! "^^
وقد ما أقدر أحاول أصحح فكرة الناس عنه

زي مثلا: طب الأسنان مررررره سهل مو زي البشري
و
ليييش دخلتي طب الأسنان ؟؟! البشري أحسن على الأقل تعتبري دكتورة !
و و و الكثيييييير من الكلام المضحك صراحةً

وأول رد أقوله ليهم << طبعا قبل ما اقعد أشرحلهم بالتفصيل وحقيقية تخصصنا وعالمنا
" طب الأسنان عبارة : طب بشري + طب أسنان "

واللي يدرسوا حيعرف كده..

طيب ليش ؟

لأننا بندرس كل المواد الأساسية في الطب البشري.. بالاضافة لطب الأسنان
وأكبر دليل دراستنا في سنة ثانية.. كل المواد حقت بشري ما عدا مادة واحدة أسنان

وبعد كده.. حندرس كم مادة مرتين..
مره Oral
و مره تانية General

يعني ندرس مثلا مادة علم الأمراض \ pathology
مره جينرال .. وحناخد نفس اللي ياخدوه البشري .. وهو بصفة عامة عن جسم الانسان وكل مافيه

وبنفس السنة.. حناخد الأورال.. اللي متخصص في أمراض الفم والأسنان ومنطقة الرأس كلها
<< تراها أكثر وأدسم من الجنرال حتى!

فكيف صارت أسسسسهل من البشري !

لكن ممكن احنا نعتبره أسهل.. لأن كمية العملي كبيرة عندنا.. وطبعا هذا يسهلنا الموضوع
لأنه يرسّخ المعلومات ويخلينا نفهم أكتر
ويقلل كمية الحفظ الكثييييرة اللي ما يطبقوها كلها البشري

,

واتفضلي بأي سؤال وبأي وقت
=)