[Dr~NanoOok]

المشاركة الأصلية كتبت بواسطة د:محمد ال شريه السلام عليكم كل عام ووطننا الحبيب بألف خير إخواني وأخواتي أعضاء المنتدي أرجوا إفادتي في كيفية الإستذكار ومراجعة المحاضرات اليومية أول بأول مع العلم بأن جدولي لهذا الفصل غير مبشر يوميا من 10ص-7م عدا الأربعاء8ص-6م فأرجوا من الله ثم من لدية التجربة السابقة أو أي خلفية فليتكرم بإفادتي مــــشــــكـــــورا...

وعليكم السلام =)

اولا ربي يسهلك ويهوّن عليك كل عسير
وأسأل ربنا البركة في الوقت .. هذا أهم شي

وبعدين يجي تنظيم الوقت و المذاكرة ..

بالنسبة لنظامي بسنة ثالثة.. والضغط اللي كان فيها والدوام الطويل
حاولت اني اعمل تنظيم لطريقة مزاكرتي كالآتي ..

أنا أحب أقرأ المحاضرة و النوتز حقتي كل يوم بعد ما آخدهم
عشان تركز المعلومة بالعقل وما تتنسى بسهولة
<< وقلت "أقرأ" وليس أحفظ وازاكرهم

لكن مع ضيق الوقت.. شفت انه صار صعب شوية اني أقرأ كل المحاضرات حقت اليوم
وخاصة انه بعض المحاضرات تكون النوتز حقتي عنها عبارة عن 6-10 أوراق
غير الشيتات حقت المحاضرة نفسها

فصرت أحاول أقرأ المحاضرات المهمة فقط اللي اخدتها اليوم
والباقي أخليهم مع بعض.. الى ان ننتهي من كل الجزئية (حقت الأسبوع كله تقريبا)

,

أما للمزاكرة ..
فأفضل اني أزاكر كل لما نخلص من chpter أو جزئية معينة في المادة
يصير أزاكرهم كلهم مع بعض.. بدل ما أزاكرهم يوميا

لأنه حيجي عليهم الكويزات والاختبارات الدورية و التكاليف حقت العملي
وحتاخد من وقتكم كتير

فلما تخلي مثلا خلال الأسبوع دا حتمسك مادتين بس وتخلصهم.. يصير مره كويس
بالاضافة للمادة اللي عليهم اختبار فيها

,

بالنسبة للوقت والدوام والنوم
أنا من النوع اللي ما أحب أنام العصر.. لأنه يتعبني و يضيع وقتي !
<< كنت اعتقد كده

لكن مع الدوام.. والشغل والتعب
ارجع البيت على 5 العصر او بعده بشوية وانا تعباانه
فأنام ع الأقل ساعة أو إلى صلاة المغرب
وبعدها أصحى مصحصة و فيا نشاط

وقتها أقدر أكمل وازاكر واعمل اللي عليا

وممكن تقولوا ان الوقت قليل ويادوب يكفي للمزاكرة أو لأي شي تاني
لكن لما ما أنام أحس نفسي مجهدة.. وما تجي الساعة 10 اليل مثلا إلا وانا أبغى أنام !
وانجازي بالمزاكرة مو مره كويس

فانصحكم بالنوم عشان تقدروا تكملوا يومكم وتنجزوا فيه كويس

,

ايوا وكمان شي في طريقة المزاكرة ..
بالنسبة لأيام المدرسة ومسك المحاضرة أو الدرس ونقعد نحفظ فيه مره واتنين وتلاتة و نسمع لنفسنا
فهذا الشي مرررره صعب وما ينفع مع الطب !

حاولوا تقروا المحاضرة مره واتنين.. واهم شي تفهموها
وبعدها خلاص سيبوها.. والشي اللي تحسوه يبغاله حفظ كويس
حطوا علامة جنبوا عشان ترجعواة تقروه و تحفظوه

لكن تحفظوا كل شي .. صعبة

ولازم تعملوا ملاحظات و تنبيهات لأهم النقاط و اضافات من النوتز والدكاترة بمحاضراتهم ومن الكتاب
جنب الشيتات حقتكم
وتعملوا مقارنات وتلخيصات
هذه مرررررررررررررررررررررررره تفيد في الاسترجاع و بالاختبارات