[LeLou]

المشاركة الأصلية كتبت بواسطة Hakuna Matata عندي سؤال بالنسبة للجدول طبعآ هذي أول سنة ليآ حتكون بالنسبة للتخصص ، و ما أعرف للمواد ! فـ هل تنصحوني أمشي ع الجدول اللى همآ ينزلوهـ ؟ و إذآ مشيت عليه ، كيف حيكون الدوآم تقريبآ من السآعة كم لـ كم * أنا أبغى فيزيآء طبية إن شآءالله * و بالنسبة للجدآول اللى همآ ينزلوهآ ، كيف الموآد فيهآ هل متوسطة بين السهلة و الصعبة و يقدر الوآحد يمشي عليهآ عآرفة أسئلة كثيره بس عشآن شآيلة هم الجدآول مره : (

زي ما قال مستشارنا بيكاسو،، لا تشيلي هم الجدول..
أول حاجة من اليوم و رايح ما أحد راح ينزل لك جدول زي التحضيري،، إنتِ اللي حتعملي جدولك بنفسك..
و هنا طريقة الحذف و الإضافة: http://www.skaau.com/vb/showthread.php?t=587456
//

بالنسبة للخطة،، أفضل شي تمشي عليها خصوصًا في المستوى الثالث..
لأنه بعد كذا ممكن تتعطلي و مواد ما تقدري تضيفيها بسبب المتطلبات و كذا..
و بالنسبة للمواعيد زي ما قال مستشارنا،، تشوفيها من بحث الشعب الدراسية و على حسب المواد اللي راح تضيفيها و مواعيدها راح يكون دوامك إن شاء الله..
بالنسبة للمواد و رموزها و أرقامها و الخطة كلها راح تلقيها في المجلة،، فــأفضل شي تحملي المجلة اللي موجود رابطها بالأحمر في المشاركة الأولى..
أهم شي تركزي عليه قبل لا تفكري إنك تلعبي بالخطة هو المتطلبات،، شوفي كل مادة أيش المواد اللي متطلبتها بعد كذا،، لأنك ما تقدري تاخذي المادة من غير ما تكوني أخذتي متطلبها..
في ناس عدت عليهم أترام ما كانوا يقدروا يضيفوا و لا مادة بسبب دا الشي و اتعطلوا مرة كثير،، فحطي النقطة دي في بالك..

//

بالتوفيق يا أٌخــيَّــة و لا تترددي بأي استفسار||~