[مشمشانا]

عباطة في بنت تسوي كدا واكتر

اعرف موظفة ترجع من شغلها الظهر وعيالها يقلبوا راسها طول الطريق وبس توصل البيت يبدؤا مضارباتهم

وهي تتطبخ وتحط الغدا وتسكت في دا وتكلم دا وفي النهاية يطلع واحد مو عاجبو الاكل ولا مالو نفس والتاني

يقول ناقص ملح والتالت يقول ما احب دا وليه سويتو كدا وانا ما اكل دا و على دا الموال طول اليوم

ونومها يادبوك تحط راسها الا وواحد من الولاد مصحيها وتخرجوا وتقولا ابوك تعبان لا تطلع صوت

مو كل الموظفات بيشتروا من برا وللعلم دي الموظفة عندها القلب و كانت عاملة عملية قبل وقت قصير

برضوا في تضحية ما احد يشوفها ويعتقدوا انها امر لابد منه وانو هذي وظيفتها بس لو حصل يوم

وقررت انها ما تعمل شئ راح يحسو باهمية التعب اللي بتعملوا ما اعرف انت ليه ماخد عن كل الموظفات

انهم ما بيطبخوا ويشترو من بره اللي بيشتروا من المطاعم اغلبهم من اولاد الثانوية والمتوسطة اللي

قد ما امم تتعب ما يعجبهم اكل البيت ويروح يشتري من بره حتى مجامل ما يعرف ويروح ياكل من بره

والاكل اللي هي تعبانة فيه يقعد ولو ما سوت يزعلوا ويتهموها بالتقصير

بس في شئ مو كل الرجال كد كمان في رجال من جد يستحق كل التعب اللي بيتسوالوا واكتر

في رجال لاساف مرتوا تعبانة يقولها اجلسي وارتاحي وانا راح اتصرف يا يطبخ ادا بيعرف

ولا يجيب من بره ويشيل الاولاد ويخرجهم ويبعدهم عن امهم وما يرضى احد من الاولاد

يقول شئ في الاكل اللي امهم تعبت فيه وكل ما سوت شئ كافاها بابسط حاجة وهي شكرا ولا تسلم يدك

في رجال بيعملو نفس اللي بتعملوا زوجاتهم واكتر الفرق في رجال راضي انو يودع عزبيتوا من يوم ما اتزوج

ويعرف انو حياتو تغيرت وانو بيتوا رقم واحد في حياتو وعيالوا رقم واحد كمان وفي رجال يرفض دا

ويطالب انو يظل زي ما كان بدون تنازلات ويمن على اهل بكل كلمة والتانية مين بيصرف عليكم ومين ومين

وكانو الوحيد اللي بيتعب ورقم واحد عندوا خرجاتو واصحابو وبعدين عيالو ودا الصنف انا اصلا ما اعرف ليه يتزوجوا

يجيبوا عيال ولا يبغوا يتحملو مسؤوليتهم

الزواج مؤسسة شراكة الاتنين لازم يتنازلوا ويداروا على بعض ويكملو بعض بس المشكلة في دا الزمن

يا تجي البنت المضحية اللي حياتها تسير ملك بيتها بس وزوجها ما هوا داري عن هوا دراهم

ولا يجي الزوج المضحي والتعبان واللي شايل البيت كلو على رسو ومرتوا مع صحباتها

وخرجاتها واجتماعتها وناسية زوجها واولادها وبيتها