[ايمي المآلكي]

مع إحترآمي لكل إللي ردوآ .. لكن أنآ مع الطلآب ..

مثل مآ قلتوآ وقآل الدكتور نفسه إن الكلمة نتيجة إن الطآلب طلعه من طوره فأسلوب الطلآب معه نتيجة الضغط إللي عآشوآ فيه طول الترم ..

أمآ يتفلسف على رووسهم ويضيف لهم مآده ومو بالخطة ويدرسونهآ ويكرفون ويوعدهم وعود كلهآ كذب بكذب وفوقهآ مآ يعترف بغلطه ! ليه ووين تصير !

إللي مو قد الشي لآ يتفلسف .. ومآ يضيع حق ورآه مطآلب .. وبآين من كلآم الطلآب إنه مو أول مره يوعدهم ويسحب عليهم ..

وللأسف هذآ أسلوب أغلب إللي على هالكرآسي ورؤسآء الأقسآم .. لكن يشهد الله شهآدة حق إن الدكتورة هنآء النعيم عيمدة جآمعتنآ والدكتورة زينب السحيمي مديرة كليتنآ السآبقة دخلت لهم وكل وحده في قمة الإحترآم وقمة الرقي في التعآمل ..

كلمآت دكتورة هنآء مآ زلت أذكرهآ لليوم مع إننآ دخلنآ وإشتكينآ على موظفآت وكآن ردهآ بكل عقلآنية ورقي ودكتورة زينب عآلجت الموضوع على الفور .. وفي غيرهم أقسم بالله عيب وحرآم فيهم لقب ( دكتورة ) رئيسة قسم المحآسبة لمآ رحنآ نطلب إن أستآذة معينة تمسك مآدة معينة قآلت لآ وفسرت لهآ سبب رفضي للدكتورة الحآلية إنه أسلوبهآ معقد ولهآ موقف مع البنآت يوم السيل منعتهم يطلعون من الإختبآر ترد علي بكل سخرية وإستهزآء ( طيب نكلمهآ تطلعكم لمآ يجي مطر مرة ثآنية < وتضحك ) وبالأخير قلت لهآ مع هالدكتورة مآ أسجل المآدة قآلت بكيفك .. أدري إني بكيفي بس بالله هذآ تعآمل !!

بعضهم مآ صدق يوصل لهالكرسي مع إن المنصب إللي هم فيه يعني خدمة الطلآب والعمل على رآحتهم .. مآ يدرون إن المنآصب مآ ترسى على أحد طول الوقت ومصيرهم يتنحون من المنصب .. بس الله المستعآن ..

لكن هذآ مآ أشوفه إلآ بيّـآع كلآم ومو قد الشي لآ يتفلسف على روسهم ..