وبكل برووود تقول Im sorry !!حسبي الله ونعم الوكيل..

[حلمي الماستر~]

السلام عليكم ورحمة الله

والله من قهري كتبت هذا الموضوع ..

انا مقدمة ماستر محاسبة .. ومستوفية للشروط
وطبعت بطاقة الترشيح
ولي شهر وانا اذاكر

ووقبل الامتحان بيوم وديت بنتي عند اهلي .. وهي تعبانة ..

كلللللللة .. عشان ادخل امتحان القبول .. ولو اني عارفة انه ماراح انقبل وان كل شي فجامعتنا الموقرة بالواسطة .. لكن قلت ماعليه ..

اسوي اللي علي والباقي على الله ..

والاقي ورقة باسماء الطالبات اللي يدخلوا الامتحان .. والباقين واللي انا منهم استبعاااااااد !!

سألنا المشرفة عالامتحان تقول روحوا اسألوا رئيسة القسم
" سلوى أعظم " .. يعني على مانوصل عندها يكون راح نص الوقت .. امتحاننا فمبنى 420 وانتوا عارفين قد ايش بعيد عن مبنى الكلية .. ولما تنازلت واتصلت عليهم اسمعها تقول .. يعني ايه مالهمش امتحان .. أئولهم يروحوا ؟!!

حلوة يروحوا .. طيب ليه تخلونا نجي من أصله ..!!

ولما سألنا حضرة جناب " سلوى أعظم "

قالت .. Im sorry
احنا alredy اخذنا اللي معدلهم 3.75 ومافوق
واللي اقل من كذا حسبنا معدل التخصص وشرط يكون مو اقل من جيد جدا" ..!!!
وهذول كلهم اللي دخلوا الامتحان حناخذ منهم بس 15 ..!!!

طيب ليش ؟؟

المعدل المسموح الى 3.25
وانا بكالوريوس محاسبة ومعدلي 3.71
ليش يحرمونا من اقل شي وهو دخول الامتحان .. ولا مستخسرين علينا يطبعوا اوراق الأسئلة ..؟

بالله عليكم هذا اش تسمونه ..؟

ما اقول الا ... إنا لله وإنا إليه راجعون