ساعدوني الله يسلمكم

[J o O o K i]

السلام عليكم ورحمة الله وبركاته

رمضان مبارك وكل عام وانتم بخير ...



اخواني واخواتي الكرام .. الله يسهل اموركم دائما وابداً ..

ابغى منكم المعونة .. والله إني ما افهم شي بالجامعة .. يالله على البركة ماشي ..

اخواني قدمت السنة الماضية للانتساب بالجامعه ( إدارة واقتصاد ) خطة ( أ ) ..

وحظرت الدورة الثانية .. وبعدها اختبرت ولله الحمد مشيت الاختبارات تمام .. ماااعدا مادة واحدة ( ثقافة اسلامية ) ... الترم الثاني .. قدمت اعتذار عن الدراسة .. بسبب إنشغالي في تأثيث بيت الزوجية والزواج .. والحين نحن على مشارف بداية السنة الجامعية الجديدة ...

ايش اسوي عشان اكمل دراستي ؟؟؟؟

هل ادفع لهم الحين الرسوم .. ولا كيف ؟؟؟

وما هي الاجراءات المتبعة ... وهل الجدول تنزله الجامعة ؟؟ ساعدوني وربي ما افهم شي بالجامعه ...


اخوكم جووكي ( عبدالله )

[حماده909]

عادي اخوي عبدالله
بالنسبة لك انت متوقف ترم واحد فقط بإمكانك إستئناف الدراسة مع بدايه الترم الجاي إنشاء الله
مع تمنياتي لك بالتوفيق

[العلم والعالم]

إنتظر السداد للفصل القادم وبعد ما يفتح السداد سدد الرسوم وكل شي تمام ما عندك أي مشكلة
وراح ينزل جدولك

[اطلق سراب]

انا ماادري هم بيغيرون حالتك تلقائيا لمستجد او لا
لكن الأفضل وعشان تتأكد من هالشغله
اما احد يأكدلك ان الاستأناف في الدراسه والاستمرار فيها تلقائيا واوتوماتيكيا من الموقع نفسه
او انك تروح للجامعه وتبلغهم انه ودك تكمل هالترم

ماعندي اي خلفيه وبالنسبة للسداد فالأفضل انك تسدد اول الترم

وبخصوص الجداول
بتنزل قبل الدوام الرسمي للإنتساب بكم اسبوع

الله يوفقك

[العلم والعالم]

بالنسبة لتغير الحالة من معتذر عن الدراسة الى طالب مستمر في الغالب تكون تلقائي بدون طلب


لكن بعض الأحيان قد تحتاج الى تفعيل لكن الأمر بسيط إذا بدأت الدراسة وسددت ولا تغيرت حالتك أو لم يقبل السداد رقمك الجامعي ما عليك إلأ إنك ترلس معاملة إلكترونية بسيطة وخلال يومين يكون الأمر تمام


لا تقلق نهائي ريح بالك وتفرغ لعبادة ربك في هذا الشهر الفضيل فالأمر بسيط أسهل مما توقعه

[J o O o K i]

السلام عليكم

صباح الخير

الاخ الكريم ( حماده 909) ..شكراً لك اخي الفاضل على ردك السريع .. وتوضحيك حيال هذا الأمر ... جزاك الله خيراً ,, والله يوفقك في كل شي صالح ...


الاستاذ الفاضل ( العلم والعالم ) مشرف قسم ملتقى المنتسبين .. اشكرك جزيل الشكر على الإفادة .. وتوضيح بعض النقاط ... من جد شلت هم كبير بهذا الشأن ...


الأخت الكريمة ( مس عذاب ) شكراً لك على الإفادة .. وطرح بعض الاستفسارات التي غابت عني ...جزيتي خيراً ..
والشكر للاستاذ ( العلم والعالم ) على الافادة بخصوص استفساراتك ...

جزاكم الله جميعاً خير الجزاء ... وبالتوفيق لي ولكم ...

اخر سؤال او استفسار .... متى اسدد الرسوم ... هل مع بداية شهر شوال ...

وإذا ممكن كيف احصل على تقويم للسنة الجامعية ...

تحيتي

اخوكم جوووكي ( عبدالله )

[العلم والعالم]

بعد ما ينزل التقويم الدراسي تعرف كل شي والتقويم لم ينزل حتى الآن


أما طريقة الحصول عليه فهو من موقع عماددة القبول والتسجيل

وسوف يرفق في هذا المنتدى إن شاء الله تعالى